मुळशीः तालुक्यातील वळणे गावचे ग्रामदैवताचे दर्शन घेऊन आमदार संग्राम थोपटे यांनी गावभेट दौऱ्याला सुरूवात करून नागरिकांशी संवाद साधला. यावेळी मुळशी तालुक्यातील अनेक महत्वाची कामे मार्गी लावता आली असे म्हणत पाणी पुरवठा योजना, प्रमुख रस्ते, गावांना जोडणारे रस्ते, लहान मोठे पूल, ग्रामपंचायत कार्यालय, सभामंडप, रस्ते कॉंक्रिटीकरण, शाळा इमारत, क्रीडा संकुलन, प्रशासकीय इमारत आदी कामे मार्गी लावता आली. उर्वरित कामे प्रगतीपथावर असल्याचे प्रतिपादन आमदार संग्राम थोपटे यांनी केले. तसेच या भागात एसटीची सेवा हा महत्वाचा विषय असून, एसटी सुरळीत कशी सुरू राहील यासाठी विशेष लक्ष देणार असल्याचे ते यावेळी म्हणाले.
येत्या दोन दिवसांत महाविकास आघाडीच्या उमेदवाराची घोषणा होणे अपेक्षित असून उमेदवाराची घोषणा झाल्यानंतर फॅार्म भरणे आणि प्रचार करण्यासाठी फार कमी कालावधी असल्याचे त्यांनी नमूद केले. राजगड (वेल्हे) तालुक्यातील मेंगाई देवीचा आशीर्वाद घेऊन गावभेट दौऱ्याला सुरुवात केली. उद्याच्या येणाऱ्या २० तारखेला आपल्याला मतदान करायचे आहे. साधारण २७ दिवसच शिल्लक आहेत.
विकास कामे ही न संपणारी प्रक्रिया आहे. कामे कायमच चालू राहणार असल्याचे त्यांनी सांगितले.
महाविकास आघाडीचा उमेदवार म्हणून घोषणा केल्यानंतर मेळाव्याच्या रूपात आपल्यासमोर येणार असल्याचे त्यांनी स्पष्ट केले. तसेच
उद्याच्या २४ तारखेला फॉर्म भरण्यासाठी आपण सर्वांनी उपस्थित राहून आशीर्वाद द्यावेत, असे आवाहन त्यांनी नागरिकांनी यावेळी बोलताना केले. यावेळी मुळशी तालुका राष्ट्रवादी काँग्रेस शरदचंद्र पवार पक्ष अध्यक्ष महादेव आण्णा कोंढरे, मुळशी तालुका काँग्रेस कमिटीचे अध्यक्ष गंगाराम मातेरे, पुणे जिल्हा परिषदेच्या मा. अध्यक्षा सविता दगडे, मा. जिल्हा परिषद सदस्य आंनदा आखाडे, पंचायत समितीच्या मा.सभापती कोमल वशिवले, पुणे जिल्हा काँग्रेसचे उपाध्यक्ष शिवाजीराव जांभुळकर, कार्याध्यक्ष सुरेश आण्णा पारखी, मुळशी तालुका कृषी उत्पन्न बाजार समितीचे संचालक दादाराम मांडेकर उपस्थित होते.
तसेच युवक काँग्रेसचे उपाध्यक्ष सुहास भोते, राष्ट्रवादी शरदचंद्र पवार पक्ष महिला अध्यक्षा दिपाली कोकरे, महिला काँग्रेसच्या अध्यक्षा निकिता सणस, कार्याध्यक्षा सविता गव्हारे, ज्योती जोरी, भोर विधानसभा युवक काँग्रेसचे मा. अध्यक्ष राहुल जाधव, मुळशी तालुका युवक काँग्रेसचे अध्यक्ष संदीप साठे, सोशल मिडीया अध्यक्ष गोपाळ कदम यांच्यासह दिग्विजय हुलावळे, लक्ष्मण आप्पा ठोंबरे, अमोल गांधी तसेच विविध गावचे सरपंच, उपसरपंच, सदस्य, विकास सोसायटी चेअरमन, व्हा. चेअरमन, संचालक, महाविकास आघाडीचे पदाधिकारी, कार्यकर्ते, ग्रामस्थ, महिला व तरुण वर्ग उपस्थित होते.
