भोर: तालुक्यातील राष्ट्रवादी काँग्रेस गणाचे युवक अध्यक्ष राहुल तानाजी घोलप यांनी राष्ट्रीय काँग्रेस पक्षात जाहीर प्रवेश केला आहे. यावेळी आमदार संग्राम थोपटे यांनी त्यांचे पक्षात स्वागत करीत त्यांना पुढील वाटचालीसाठी शुभेच्छा दिल्या. आमदार संग्राम थोपटे यांनी सुरू केलेल्या विकास कामांचा धडाका पाहून घोलप यांनी पक्षात प्रवेश केला असल्याचे सांगितले जात आहे.
याप्रसंगी राजगड सहकारी साखर कारखान्याचे व्हा. चेअरमन पोपटराव सुके, भोर तालुका कृषी उत्पन्न बाजार समितीचे सभापती आनंदराव आंबवले, सामाजिक कार्यकर्ते अनिल सावले, बाळासाहेब घोलप, सरपंच सतीश ढेबे, कारी ग्रामस्थ यांच्यासह पक्षातील पदाधिकारी, कार्यकर्ते आदी उपस्थित होते.
