भोर: गेल्या काही दिवसांपासून तालुक्यातील युवक काँग्रेस पक्षात जाहीर प्रवेश करीत आहेत. यातच आता रांजणवाडी येथील अनेकांनी आमदार संग्राम थोपटे यांच्या कार्यप्रणालीवर विश्वास ठेवून काँग्रेस पक्षात प्रवेश केला आहे. नवनाथ नांगडे, विठ्ठल नांगडे, संतोष नांगडे, शिवाजी नागडे, तुकाराम नांगडे, हरिभाऊ नांगडे, नारायण नांगडे, सखाराम खरूसे यांनी भारतीय राष्ट्रीय काँग्रेस पक्षात जाहीर प्रवेश केला. त्यांचे पक्षात स्वागत करून त्यांना आमदार संग्राम थोपटे यांनी शुभेच्छा दिल्या.
भोर, राजगड(वेल्हा), मुळशीचे आमदार संग्राम थोपटे यांच्या कार्यप्रणालीवर प्रभावित होऊन व त्यांच्या माध्यमातून सुरू असलेल्या विकासकामांचा धडाका पाहून भोर तालुक्यातील रांजणवाडी येथील या कार्यकर्त्यांनी पक्षात प्रवेश केला असल्याचे सांगितले. यावेळी थोपटे यांच्या समवेत पंढरीनाथ राजिवडे यांच्यासह पक्षातील पदाधिकारी, कार्यकर्ते आदी उपस्थित होते.
