पिरंगुट: शंकरभाऊ मांडेकर युवा मंचच्या वतीने खेळ रंगला पैठणीच्या कार्यक्रमाचे आयोजन करण्यात आले होते. या पैठणीच्या खेळात तिन्ही तालुक्याच्या कानाकोपऱ्यातून आलेल्या महिला सहभागी झाल्या होत्या. या खेळाचा आनंद महिलांनी भर पावसात लुटला. या कार्यक्रमात काढण्यात आलेल्या लकी ड्रॉमध्ये मुळशी तालुक्यातील सुनंदा तोंडे या फोर व्हीलरच्या विजेत्या ठरल्या.
पंधराशे देऊन दहा हजाराचे बॅनरः सुषमा अंधारे
यावेळी बोलताना सुषमा अंधारे म्हणाल्या की, बहिणींची थट्टा उडवणाऱ्या बदमाश लोकांपासून सावध राहण्याची गरज आहे. पंधराशे देऊन दहा हजाराचे बॅनर लावून आपल्या गरिबीची थट्टा उडवली जातीये. त्यामुळे शंकर मांडेकर यांच्यासारख्या कर्तृत्ववान भावासोबत आपण राहीले पाहिजे, असे आवाहन त्यांनी यावेळी बोलाताना केले.
पिरंगुटमध्ये आयोजित करण्यात आलेल्या या कार्यक्रमात शिवसेनेच्या (उबाठा) नेत्या सुषमा अंधारे, जिल्हा संपर्कप्रमुख सचिन अहिर उपस्थित होते. तसेच पुणे जिल्हा प्रमुख शंकर मांडेकर, पंचायत समितीच्या उपसभापती सारिका मांडेकर, उपजिल्हा प्रमुख संतोष मोहोळ, मुळशी तालुका प्रमुख सचिन खैरे, राजगड तालुका प्रमुख दीपक दामुगडे, भोर तालुका प्रमुख शरद जाधव, हनुमंत कंक, महिला जिल्हा संघटक संगीता पवळे, स्वाती ढमाले आदी उपस्थित होते. चांडाळ चौकडी फेम रामभाऊ जगताप यांनी घेतलेल्या खेळांमधून कार्यक्रमात मोठी रंगत आणली.
