बारामती: प्रतिनिधी सनी पाटील
माळेगाव पोलीस ठाण्याच्या हद्दीमध्ये अवैद्यरित्या मोठ्या प्रमाणावर दारू विक्री होत असल्याचा तसेच पोलील भरमसाठ हप्ते घेऊन या अवैद्य दारू विक्री व्यवसाय चालवणाऱ्यांची पाठराखण करीत असल्याचा गंभीर आरोप येथील सामाजिक कार्यकर्ते तथा पनदरे ग्रामपंचायत सदस्य विक्रम कोकरे यांनी केला आहे. यामुळे पुणे ग्रामीण पोलीस अधिक्षक यांनी या प्रकरणात लक्ष देण्याची मागणी सामाजिक कार्यकर्ते विक्रम कोकरे यांनी केली आहे.
सामाजिक कार्यकर्ते विक्रम कोकरे आरोप करतेवेळी म्हणाले की, माळेगाव पोलीस ठाण्यातील गेंड्याचे कातडीचे कर्मचारी हे भरमसाठ मोठ्या रकमेचा हप्ता एजंट मार्फत घेऊन अवैद्य व्यावसाय करणाऱ्यांची पाठराखण करीत आहे. यामुळे युवा पिढी या व्यसनाला बळी पडून आपले आयुष्य बरबाद करून घेत आहेत. यास सर्वस्वी जबाबदार माळेगाव पोलीस ठाण्याचे अधिकारी व कर्मचारी आहेत.
भविष्यामध्ये अशा व्यसनांना तरुण पिढी बळी पडू नये, म्हणून पुणे ग्रामीण पोलीस अधीक्षक पंकज देशमुख यांनी स्वतः या प्रकरणामध्ये लक्ष घालून माळेगाव पोलीस ठाण्याच्या हद्दीमध्ये चालणाऱ्या अवैद्य व्यवसायांवर कडक कारवाई करून अवैद्य दारू विक्री करणाऱ्यांना तडीपार करावे. तसेच हप्तेखोर पोलीस अधिकारी व कर्मचाऱ्यांवर निलंबनाची कारवाई करण्यात यावी, अशी मागणी कोकरे यांनी यावेळी बोलतना केली.
