भोरः भोर राजगड(वेल्हे) सामाजिक, शैक्षणिक व क्रीडा प्रतिष्ठान आणि कुलदीप तात्या कोंडे युवामंच भोर-राजगड- मुळशी यांच्या वतीने चला जगूया आनंदाने आणि कुटुंब समजून घेताना या व्याख्यान मालाचे खास महिला व विद्यार्थ्यांसाठी आयोजन करण्यात आले होते. सदर व्याख्यान माला रविवार ६ अॅाक्टोबर रोजी श्री शिवाजी विद्यालय(चेलाडी) मैदानावर पार पडली.
समाज परिवर्तनकार आणि युवा वर्गाचे लाडके मार्गदर्शन वसंत हंकारे यांनी या विषयाला अनुसरून व्याख्यान मालेतून महिला व विद्यार्थ्यांना मोलाचे मार्गदर्शन केले. या व्याख्यान मालेत महिलांची व्याख्या, कुटुंबातील संवाद आणि सहकार्य या विषयांचे मार्गदर्शन करण्यात आले. तसेच महिलांची स्थिती आणि त्यांच्यासमोर असलेल्या आव्हानांविषयी सविस्तर चर्चा करण्यात आली. या व्याख्यान मालेला मोठ्या प्रमाणावर महिला व विद्यार्थी उपस्थित होते.
