वडगाव निंबाळकरः बिग बॅास विजेता सूरज चव्हाण आपल्या मूळगावी परत आला आहे. कालच त्याचे गावात जंगी स्वागत करण्यात आले. कालपासूनच सूरजला भेटण्यासाठी चाहत्यांची रीग लागलेली आहे. यातच आता सूरजला भेटण्यासाठी आलेल्या पाच जणांना मारहाण करण्यात आल्याची घटना घडली आहे. या प्रकरणी वडगाव निंबाळकर पोलिसांत गुन्हा दाखल करण्यात आला आहे.
मिळालेल्या माहितीनुसार, सूरजला भेटण्यासाठी आलेल्या पाच जणांपैकी एक जण लघुशंकेसाठी गेला असता, तिथे मुर्टी गावातील काही तरुण आले. त्यांनी राहुल कांतीलाल बोराडे राहणार रांजणगाव यास तुम्ही सूरजला भेटण्यासाठी का आला असे म्हणून लाकडी दांडक्याने मारहाण केली. यावेळी त्याने फिर्यादी याने आरडोओरडा केल्यानंर त्या ठिकाणी त्याचे मित्र आले. त्यांना देखील मारहाण करण्यात आल्याची प्राथमिक माहिती मिळत आहे. तसेच आरोपींनी फिर्यादीचा मोबाईल फोडून नुकासान केले आहे. या प्रकरणाचा पुढील तपास पोलीस हवालदार नागटिळक हे करीत आहेत.
