भोर: ‘द महाराष्ट्र स्टेट को आँपरेटिव्ह मार्केटिंग फेडरेशन’ या संस्थेच्या वतीने भोर तालुका शेतकरी सहकारी खरेदी विक्री संघाला यावर्षीचा खत विक्रीचा पुरस्कार देऊन सन्मानित करण्यात आले. राज्यातील प्रथम क्रमांकाचा पुरस्कार त्यांना देऊन संन्मानित करण्यात आले. मुंबईतील यशवंतराव चव्हाण प्रतिष्ठान येथे झालेल्या कार्यक्रमात हा पुरस्कार देण्यात आला. द महाराष्ट्र स्टेट को आँपरेटिव्ह मार्केटिंग फेडरेशन या संस्थेचे अध्यक्ष अध्यक्ष दत्तात्रय पानसरे, उपाध्यक्ष रोहित निकम, व्यवस्थापकीय संचालक श्रीधर दुबेपाटील यांच्या हस्ते सन्मानचिन्ह व प्रशस्तीपत्रक देऊन सन्मान करण्यात आला.
भोर तालुका खरेदी विक्री संघाच्या स्थापनेला ६४ वर्ष पूर्ण झाली असून, मागील अनेक वर्षांपासून माजीमंत्री अनंतराव थोपटे व आमदार संग्राम थोपटे यांच्या मार्गदर्शनाखाली शेतकऱ्यांना योग्य दरात खत विक्री व गोळी खत विक्री केली जाते. राज्यातील इतर खरेदी विक्री संघ डबघाईला आलेले असताना भोर तालुका खंघाने मात्र अत्यंत चांगले काम केले असल्याचे यावेळी सांगण्यात आले. भोर तालुका खरेदी विक्री संघाने फेडरेशनकडून खते विकत घेऊन तसेच वेळेत पैशांची परतफेड करुन दिल्याबद्दल सदरचा राज्यस्तरीय पुरस्कार मिळाला आहे.
यावेळी खरेदी विक्री संघाचे अध्यक्ष अतुल किंद्रे, उपाध्यक्ष अतुल शेडगे, संचालक विजय शिरवले, सोमनाथ सोमाणी, किशोर बांदल, नरेश चव्हाण, संपत दरेकर, नथु साळेकर, बबन गिरे, दत्तात्रय कांबळे, विठ्ठल खोपडे, ज्ञानेश्वर भोसले, बबन जाधव, दत्तात्रय बाठे, वसंत वरखडे, नंदा मोरे, सुजाता जेधे, दिलीप वरे, मधुकर कानडे, नथु दामगुडे, दिवानजी इंगुळकर उपस्थित होते.
भोर तालुका खंघाने अत्यंत चांगले काम करुन बक्षिस मिळवल्याबद्दल आमदार संग्राम थोपटे यांनी संचालक मंडळाचे अभिनंदन केले. भोर तालुका खरेदी विक्री संघ येणाऱ्या काळात शेतकऱ्यांकडून भात खरेदी करुन तांदूळ विक्री करुन इंद्रायणी तांदुळाची प्रसिध्दी करणार असल्याचे संघाचे अध्यक्ष अतुल किंद्रे व उपाध्यक्ष अतुल शेडगे यांनी सांगितले.
