भोर: भोर विधानसभा मतदारसंघाकरिता आमदार संग्राम थोपटे यांनी उमेदवारी अर्ज दाखल केला आहे. या पार्श्वभूमीवर निवडणुकीच्या पुढील नियोजन संदर्भात पुणे येथे महाविकास आघाडीच्या भोर विधानसभा मतदारसंघातील भोर, राजगड, मुळशी तालुक्यातील प्रमुख पदाधिकाऱ्यांची बैठक संपन्न झाली.
याप्रसंगी प्रचाराच्या पुढील नियोजनाबद्दल व इतर महत्त्वाच्या विषयांवर चर्चा करण्यात आली. या बैठकीस खासदार सुप्रिया सुळे, शिवसेना उद्धव बाळासाहेब ठाकरे पक्षाचे उपनेते सचिन अहिर यांनी मार्गदर्शन करून राज्यात महाविकास आघाडीचे सरकार येणार असून यासाठी मातोश्रीवरून आलेल्या आदेशाचे पालन करत सर्वांनी एकदिलाने काम करावे, असे आवाहन केले.
संग्रामदादा थोपटे यांचा विजय निश्चित असून या निमित्ताने महाविकास आघाडी भक्कम असल्याचे प्रतिपादन त्यांनी केले. तसेच जास्तीत जास्त मतांनी आमदार संग्रामदादा थोपटे विजयी होतील. त्यांच्या माध्यमातून एक मोठी संधी निर्माण होत असल्याचे सांगण्यात आले.
या बैठकीला खा. सुप्रिया सुळे, शिवसेना उपनेते सचिन अहिर, उमेदवार आमदार संग्राम थोपटे, सोपान मोहोळ, संग्राम मोहोळ, बाळासाहेब थोपटे, मानसिंग धुमाळ, महेश टापरे, सविताताई दगडे, महादेव कोढरे, संतोष रेणुसे, रवींद्र बांदल, माऊली शिंदे, सचिन खैरे, गंगाराम मातेरे, नानासो राऊत, शैलेश सोनवणे, विठ्ठल आवाळे, दिनकर धरपाळे, अमोल नलावडे यांच्यासह महाविकास आघाडीचे सर्व प्रमुख पदाधिकारी, कार्यकर्ते मोठ्या संख्येने उपस्थित होते.
