खेड शिवापूर, दि 11: पुणे सातारा महामार्गावरील हवेली तालुक्यातील शिवापूर येथे पोलिसांनी सुमारे 3 लाख 85 हजार रुपयांची अवैध दारू, गाडिसह जप्त केली आहे. या प्रकरणी विजय भीमराव राठोड यास अटक करण्यात आली आहे.
पोलिसांनी दिलेल्या माहितीनुसार, दारूची अवैध विक्री होत असल्याची माहिती पोलीस निरीक्षक राजेश गवळी यांना मिळाल्यानंतर पोलिसांनी सापळा लावून संशयित आरोपी विजय भीमराव राठोड याला त्याच्या गाडीसह रंगेहाथ पकडले. त्याच्याकडून मोठ्या प्रमाणात विविध ब्रँडच्या देशी-विदेशी दारूच्या बाटल्या, बिअरच्या कॅन आणि एक महिंद्रा पिकअप गाडी जप्त करण्यात आली.जप्त केलेल्या मालाची एकूण किंमत 3,85,525 रुपये आहे. या प्रकरणी राजेंद्र बाळासो गव्हाणे यांच्या फिर्यादीनुसार राजगड पोलीस स्टेशनमध्ये गुन्हा दाखल करण्यात आला आहे. तर पुढील तपास पोलीस उपनिरीक्षक अजित पाटील करीत आहेत.
पोलीस निरीक्षक राजेश गवळी यांच्या मार्गर्शनाखाली पोलिस उपनरीक्षक अजित पाटील, म पो. ह प्रमिला निकम, पोलिस नाईक अजीज मेस्त्री, पोलिस कॉ.गव्हाणे,पप्पू शिंदे यांनी सदर कारवाई केली.
