१८ विद्यार्थ्यांनी कमविले ३६ मेडल्स, पुढील स्पर्धेसाठी निवड
अखिल भारतीय खुली कराटे स्पर्धा २०२४ नवी मुंबई येथे नुकतीच पार पडली. या राष्ट्रीय पातळीवरील (नॅशनल लेवलच्या) झालेल्या स्पर्धेत एकूण ३० संघांनी सहभाग यामध्ये घेतला होता. या स्पर्धेचे नियोजन मास्टर सिहान शिवाजी ढवळे यांनी केले होते. भोरच्या आर्यन्स मार्शल आर्ट्स कराटे संघानेही आपल्या विद्यार्थ्यांसमवेत यामध्ये सहभाग घेतला होता. यामध्ये झालेल्या स्पर्धा प्रकारात काता (कटास) व कुमिते (फाईट) यामध्ये सर्व विद्यार्थ्यांनी प्रत्येकी दोन मेडल्स मिळवित घवघवीत यश संपादन केले. भोरच्या एकूण १८ विद्यार्थ्यांनी ३६ मेडल्स प्राप्त केले व उत्कृष्ट टीमची ट्रॉफी मिळवली.
या स्पर्धेत ऋषिता कोंढाळकर, सानवी कोंढाळकर, स्वर्णीमा तनपुरे , सुप्रिया सुतार, श्रेया सणस, शुभ्रा निकम, अनुष्का माने, सार्थक मरगजे, शंभूराजे काळे, सिद्धार्थ कंक, अभ्युद्त कंक, यश आवाळे, स्वराज आलगुडे, तनिष्का खाटपे, श्रवण खोपडे, प्रथमेश माने, ओम कळसकर, सोहम खोपडे, या सर्व विद्यार्थ्यांना नवनाथ कांबळे, दिग्विजय थोपटे , अनिल राठोड , प्रतीक कंक , व संस्थापक अध्यक्ष सोमनाथ ढवळे यांनी प्रशिक्षण दिले.या सर्व विद्यार्थ्यांची पुढील स्पर्धेसाठी निवड करण्यात आली आहे सर्व विद्यार्थ्यांचे अभिनंदन करून व पुढील वाटचालीसाठी शुभेच्छा दिल्या.
