भोरः शिवसेना (शिंदे) पक्षाच्या उमेदवारांच्या नावांची दुसरी यादी जाहीर झाली आहे. या यादीत २० उमेदवारांची नावे असून, पुरंदरमधून विजय शिवतारे यांना उमेदवारी जाहीर करण्यात आली आहे. मात्र, या यादीत शेजारीच लागून असलेल्या भोर विधानसभेच्या उमेदवाराचे नाव नसल्याने चर्चांना उधाण आले आहे. युतीमधील शिवसेनेकडून कुलदीप कोंडे इच्छुक आहेत. मात्र अजूनही या जागेबाबातचा तिढा सुटलेला नाही.
यामुळे या जागेबाबत मोठा पेच निर्माण झाला असल्याचे सांगण्यात आले आहे. यामुळे आता युतीकडून या मतदार संघासाठी कोणाची वर्णी लागते हा सस्पेन्स शिगेला पोहचलेला आहे. ३० अॅाक्टोर ही निवडणुकीचा अर्ज भरण्याचा शेवटचा दिवस असून, त्या अगोदर या मतदार संघासाठी उमेदवाराच्या नावाची घोषणा करणे बंधणकारक असणार आहे. यामुळे युतीमधील ही जागा शिवसेनेकडे राहिते की इतर पक्षाला मिळते हे पाहणे देखील औचिक्याचे असणार आहे. यामुळे उमेदवारचे नाव सध्यातरी गुलदस्त्यातच आहे.
