भोरः भोर- राजगड (वेल्हा)- मुळशी तालुक्यातील लाडक्या बहिणींचा सन्मान सोहळा भोर येथील यशवंत मंगल कार्यालयात मोठ्या उत्साही वातावरणात पार पडला. या कार्यक्रमात शिवसेनेच्या उपनेत्या व प्रवक्त्या डॉ. ज्योती वाघमारे यांची विशेष उपस्थिती लाभली. त्यांनी लाडक्या बहिणींना मोलाचे मार्गदर्शन केले. यावेळी महिलांच्या चेहऱ्यांवरील आनंद कार्यक्रमाचा उद्देश सार्थकी लावणारा ठरला असल्याचे शिवसेना जिल्हाप्रमुख मा. सभापती पंचायत समिती मुळशी बाळासाहेब चांदेरे यांनी सांगितले.
या कार्यक्रमात महिलांनी मोठ्या प्रमाणावर सहभाग नोंदवून कार्यक्रमाची रंगत वाढवली आणि मनोरंजनाचा आनंद घेतला. त्याबद्दल सर्व महिलांचे आभार चांदेरे यांनी मानले. याप्रसंगी शिवसेना महिला आघाडी प्रमुख कांता पांढरे, शिवसेना उपजिल्हाप्रमुख गणेश निगडे, भोर शिवसेना विधानसभा प्रमुख गणेश म्हसुरकर, भोर शिवसेना तालुका प्रमुख दशरथ जाधव, मुळशी शिवसेना तालुकाप्रमुख दिपक करंजावणे, राजगड (वेल्हा) शिवसेना तालुका प्रमुख सुनील शेंडकर, मुळशी महिला आघाडी प्रमुख सविता कुंभार, भोर महिला आघाडी तालुका प्रमुख आरती खोपडे, वेल्हा महिला आघाडी तालुका प्रमुख जयश्री शेंडकर तसेच युवासेना युवती सेना, शिवसेना पदाधिकारी, कार्यकर्ते, पत्रकार व महिला भगिनी मोठ्या संख्येने उपस्थित होत्या.
