भोर: राधाकृष्ण गार्डन मंगल कार्यालय, कात्रज-नवले पूल रस्ता आंबेगाव पुणे येथे रहिवासी नागरिकांचा संवाद मिळावा आयोजित करण्यात आला होता. या मेळाव्यात आमदार संग्राम थोपटे यांच्या उपस्थितीमध्ये ५० जणांनी काँग्रेसची कास धरत पक्षात जाहीररित्या पक्षप्रवेश केला. तसेच याच कार्यक्रमात अनेक पदाधिकाऱ्यांची नियुक्ती करण्यात आली. जसजशी निवडणुकीची तारीख जवळ येऊ लागली आहे, तसतशी पक्षात अनेकजण पक्ष प्रवेश करीत आहेत. नुकतेच राष्ट्रवादी काँग्रेसच्या युवक अध्यक्षांनी आमदार संग्राम थोपटे यांच्या कार्यप्रमाणालीवर प्रभावित होत काँग्रेस पक्षात दाखल झाले. यामुळे आगामी काळात अनेकजण पक्षात प्रवेश करणार असल्याची चर्चा दपक्या आवाजात सुरू आहे.
यावेळी वेल्हा तालुका राष्ट्रवादी काँग्रेस शरदचंद्र पवार पक्ष अध्यक्ष संतोष रेणुसे, काँग्रेस पक्षाचे अध्यक्ष नानासो राऊत, पुणे जिल्हा युवक काँग्रेसचे अध्यक्ष महेश टापरे, नगरसेवक बाळासाहेब धनकवडे, काका चव्हाण, माजी जिल्हा परिषद सदस्य दिनकरराव धरपाळे, अमोल नलावडे, मा. सभापती दिनकरराव सरपाले, सीमा राऊत, राजगड सहकारी साखर कारखान्याचे संचालक डॉ. संभाजी मांगडे, संदीप नांगीने, महिला अध्यक्षा आशा रेणुसे, भोर विधानसभा युवक काँग्रेस अध्यक्ष अमोल पडवळ, राष्ट्रवादी काँग्रेस शरदचंद्र पवार पक्ष पुणे जिल्हा युवती अध्यक्ष दुर्गा चोरघे, वेल्हा तालुका युवक अध्यक्ष प्रमोद लोहकरे, काँग्रेस पक्षाचे युवक अध्यक्ष शिवराज शेंडकर यांच्यासह महाविकास आघाडीचे पदाधिकारी, कार्यकर्ते यांच्यासह कार्यकर्ते, राजगड(वेल्हा)तालुक्यातील पुणे स्थित रहिवाशी मोठ्या संख्येने उपस्थित होते.
