शिरवळ : शिंदेवाडी(ता. खंडाळा, जि. सातारा)येथील भंगार दुकानाला भीषण आग लागल्याची घटना शुक्रवारी रात्री १२ च्या दरम्यान घडली आहे. घटनास्थळी आकाशात धुराचे लोट दिसत आहेत. या घटनेची माहिती मिळताच शिरवळ पोलिसांनी घटना स्थळी धाव घेतली असून अग्निशमन दलाने तातडीने पाण्याच्या बंबाद्वारे आगीवर नियंत्रण मिळविण्यासाठी प्रयत्न सुरू केले आहेत.
मिळालेल्या माहितीनुसार खंडाळा तालुक्यातील शिरवळ भोर रस्तावर असलेल्या शिंदेवाडी गावाच्या हद्दीतील भंगार व्यवसायाच्या गोदामाला अचानक आग लागली या आगीत भंगार दुकानामधील लाखो रुपयांच्या साहित्याचे नुकसान झाले असून अद्याप या आगीचे कारण अद्याप समजू शकले नाही.घटनास्थळी शिरवळ पोलीस एशियन पेंट अग्निशामक दल,भोर नगरपालिका अग्निशामक दल दाखल झाले असून आगीवर नियंत्रण मिळविण्याचे प्रयत्न सुरू आहेत.
