भोरः भोर आणि वेल्हा तालुक्यातील भाजप पक्षातील पदाधिकाऱ्यांची पक्षातून हकालपट्टी करण्यात आली असून, यापुढे त्यांचा पक्षाशी कोणत्याही प्रकारचा संबंध नसल्याचे सांगण्यात आले आहे. याबाबाचे एक पत्रक प्रसिद्ध करण्यात आले असून, त्याची माहिती यामध्ये देण्यात आली आहे. सदर कारवाई ही भाजपचे जिल्हाध्यक्ष वासुदेव काळे यांच्या आदेशनुसार करण्यात आली आहे. त्याबाबतचे पत्रक भोर भाजप तालुका अध्यक्ष जीवण कोंडे आणि वेल्हा तालुका अध्यक्ष राजू रेणुसे यांनी प्रसिद्ध करीत संबंधित पदाधिकाऱ्यांची नावे दिली आहेत.
भोर भाजपमधून भाजप युवा मोर्चा अध्यक्ष अमर बुदगुडे, भाजप भोर तालुका उपाध्यक्ष समीर घोडेकर, विनोद चौधरी, भाजप युवा वॅारियर्स रोहन भोसले तर वेल्हा भाजमधून भाजप युवा मोर्चा अध्यक्ष अविनाश भोसले, भाजपा तालुका सरचिटणीस विठ्ठल गोरे, भाजप जिल्हा युवा सचिव शुभम बेलदरे यांच्या पक्षातून हकालपट्टी करण्यात आली आहे. भोर तालुका अध्यक्ष आणि वेल्हा अध्यक्षांनी पत्रक काढून त्यांची नावे जाहीर केले आहे. सदर पक्षविरोधी कार्य केल्या या कारणावरून या पदाधिकाऱ्यांची पक्षातून हकालपट्टी करण्यात आल्याची माहिती देण्यात आली आहे.
