नसरापूर : वेळु-भोंगवली व नसरापूर-भोलावडे जिल्हा परिषद गटातील शिवसेना उद्धव बाळासाहेब ठाकरे पक्षातील शिवसैनिकांची सभासद नोंदणी आढावा बैठक वरवे (ता. भोर) येथे रविवार (दि. १५ सप्टेंबर) पार पडली.आगामी निवडणुकीत भोर विधानसभेची जागा शिवसेनेला सोडल्यास निश्चित भगवा फडकवु असा विश्वास तालुका प्रमुख ज्ञानेश्वर शिंदे यांनी यावेळी व्यक्त केला.
याप्रसंगी तालुकाप्रमुख ज्ञानेश्वर शिंदे, तालुका संघटक दशरथ गोळे, तालुका संघटिका निशा सपकाळ, तालुका समन्वयक भरत साळुंखे, तालुका युवासेना प्रमुख अनिकेत शिंदे, तालुका उपसंघटिका राणी मांढरे, रुपाली पडवळ, विभाग प्रमुख विजय सावंत, एकनाथ तावरे, माजी तालुका प्रमुख पोपट जगताप, बाळासाहेब सुतार, निलेश भांडे, जनार्दन हारपुडे तसेच आदी पदाधिकारी व जुने शिवसैनिक मोठ्या संख्येन उपस्थित होते.
आगामी विधानसभा निवडणुकीत भोर विधानसभेत कोणत्या पक्षाला जागा सुटेल याकडे सर्वांचेच लक्ष लागून राहिले आहे. काही दिवसापूर्वी खा.सुप्रिया सुळे यांच्याकडून भोर विधानसभेची संग्राम थोपटे यांच्या नावासाठी घोषणा करण्यात आली होती. यानंतर भोर वेल्हा मुळशी तालुक्यातील शिवसैनिक नाराज झाले होते व यावेळी त्यांनी आम्हाला पण गृहीत धरू नये आमचं पण ठरलं आहे हे देखील स्पष्ट केले होते त्यानंतर याच भोर विधानसभेवरती अनेक किस्से समोर येत आहेत.
त्यानुसार आज शिवसेना उद्धव बाळासाहेब ठाकरे पक्षातील भोर तालुकाप्रमुख ज्ञानेश्वर शिंदे यांनी सभासद नोंदणी आढावा बैठक आयोजित केली होती. यावेळी बोलताना तालुकाप्रमुख ज्ञानेश्वर शिंदे म्हणाले की, लोकसभा निवडणुकीत भोर विधानसभा मतदार संघात पक्ष प्रमुख माजी मुख्यमंत्री उध्दव ठाकरे यांच्या आदेशाने शिवसैनिकांने काम करत मोठे मताधिक्य दिले असून येत्या विधानसभा निवडणुकीत सुध्दा भोर मतदार संघातील शिवसैनिक उध्दव ठाकरे यांच्या मागे ठाम राहतील. तसेच भोर विधानसभेची जागा शिवसेनेला सोडल्यास निश्चित भगवा फडकवु.
तसेच शिंदे पुढे बोलताना म्हणाले, जागा जर अन्य पक्षाला सोडल्यास मातोश्रीच्या आदेशाने पालन करु. आघाडीमधील एकसंघता कायम आहे, तसेच आगामी जिल्हा परिषद, पंचायत समिती निवडणुकात तिनही पक्षाने महाविकास आघाडीचा धर्म पाळणे आवश्यक आहे तो पाळला जाईल असा विश्वास त्यांनी यावेळी व्यक्त केला. याप्रसंगी तालुका संघटक दशरथ गोळे यांनी सुत्रसंचालन केले तर माजी तालुका प्रमुख पोपट जगताप यांनी आभार मानले.
महाविकास आघाडीचे काम शेतकऱ्यांच्या वारंगुळ्यासारखे : माऊली शिंदे
शेतकरी शेती करत असताना दुसऱ्याच्या शेतात जाऊन एकमेकांना मदत करीत असतात याला शेतकरी वारंगुळा म्हणतात असेच काम महविकास आघाडीचे आहे.
शिवसेना उद्धव बाळासाहेब ठाकरे पक्षातील अनेक इच्छुक
शिवसेना उद्धव बाळासाहेब ठाकरे पक्षातील पुणे जिल्ह्याचे जिल्हाप्रमुख शंकर मांडेकर यांनी देखील राजगड न्यू शी बोलताना काही दिवसापूर्वी आपण देखील इच्छुक आहोत तसेच सुप्रिया सुळे यांनी केलेले वक्तव्य चुकीचेच आहे त्यानुसार आम्ही आमच्या पक्षप्रमुखांकडे बोर विधानसभेची जागा मागणी करणार आहोत व लढवण्यासाठी आम्ही देखील खंबीर आहोत हे देखील सांगितले होते त्यानंतर आता शिवसेना उद्धव बाळासाहेब ठाकरे गटाचे भोर तालुकाप्रमुख ज्ञानेश्वर शिंदे यांनी देखील भोर विधानसभेवर भगवा फडकू हे देखील व्यक्त करत विधानसभा लढवण्यास इच्छुक असल्याचे संकेत दिले आहेत.
