भोरः महूडे कडून भोरच्या दिशेने जाणाऱ्या भोर आगाराच्या एसटी बसचा अपघात झाला असल्याची माहिती मिळत आहे. या अपघातामध्ये काही प्रवासी जखमी झाले असल्याची प्राथमिक माहिती मिळत आहे. अपघातामध्ये जखमी झालेल्या प्रवाशांना भोर येथील आरोग्य केंद्रात उपाचारासाठी दाखल करण्यात आलेले आहे.
मिळालेल्या माहितीनुसार,भोर तालुक्यातील महुडे येथुन भोरकडे प्रवासी घेऊन येणा-या एसटी बसला महुडे येथील भानुसदरा येथे मोठा अपघात झाला असुन एसटी बस मधील पन्नास हुन अधिक प्रवासी जखमी झाली आहेत.
सर्व प्रवाशांना भोर येथील उपजिल्हा रुग्णालय रामबाग येथे आणण्यात आले असून त्यांच्यावर उपचार सुरू आहेत.
सोमवार (दि.३०) नेहमीप्रमाणे महुडे येथील प्रवाशांना भोर कडे घेऊन येत असताना रस्त्याच्या बाजूला एसटी जाऊन भानुसदरा वाडीजवळ पलटी झाली. 50 हून अधिक प्रवासी यामध्ये जखमी झाले आहेत. जखमी प्रवाशांना त्वरित भोर येथील उपजिल्हा रुग्णालयात आणण्यात आले असून काहींची प्रकृती चिंताजनक असल्याचे सांगण्यात आले आहे.
