पोलीस निरीक्षक अण्णासाहेब पवार यांच्या मार्गदर्शनाखाली पथसंचलन
भोर – जसजशी विधानसभेच्या निवडणुकीच्या मतदानाची तारीख जवळ येत आहे तसतसे भोर तालुक्यात निवडणुकीचे वातावरण तापू लागली आहे तालुक्यासह शहरात कोणताही अनुचित प्रकार घडू नये याकरिता शहरासह ,तालुक्यात कायदा व सुव्यवस्था अबाधित राखण्यासाठी पोलीस निरीक्षक अण्णासाहेब पवार यांच्या मार्गदर्शनाखाली शहरातून रूटमार्च सोमवार दि.११ सकाळी काढण्यात आले .
२०३ भोर -राजगड (वेल्हा)- मुळशी विधानसभेच्या निवडणुकीसाठी येत्या २० नोव्हेंबरला मतदान होणार आहे. या अनुषंगाने सर्वत्र आदर्श आचारसंहिता लागू आहे. त्या अनुषंगाने भोर तालुक्यात कायदा आणि सुव्यवस्थेचे कोठेही उल्लंघन होणार नाही, शांतता भंग होणार नाही , समाजात कोणत्याही प्रकारच्या अफवा,गट तट, वाद विवाद, भांडण तंटे होणार नाहीत संपूर्ण निवडणूक प्रक्रिया शांततापूर्ण वातावरणात पार पडावी . मतदारांनी मतदान निर्भयपणे करावे , आपला मतदानाचा राष्ट्रीय हक्क योग्यरीत्या बजवावा यासाठी भोर पोलीस स्टेशनचे पोलीस निरीक्षक अण्णासाहेब पवार यांच्या उपस्थितीत तसेच पोलीस निरीक्षक अनिल चव्हाण, दीप्ती करपे, सहाय्यक पोलीस उपनिरीक्षक अशोक खुटवड, पोलीस हवालदार अभय बर्गे, विकास लगस, विजयकुमार नवले ,सुनील चव्हाण, हेमंत भिलारे यशवंत शिंदे व हरियाणा राज्य राखीव पोलीस दलाचे २७ जवान व ३ पोलीस अधिकारी यांच्या उपस्थितीत हा रूटमार्च मोर्चा काढण्यात आला.
