भोरः भोर विधानसभा क्षेत्राचे नवनिर्वाचित आमदार शंकर मांडेकर यांचा महायुतीच्या वतीने आभार मेळाव्याच्या माध्यमातून जाहीर सत्कार करण्यात आला. या आभार कार्यक्रमात आमदार मांडेकर यांनी महायुतीमधील सर्व घटक पक्षांनी दिलेल्या शब्द खरा करून दाखवला असे म्हणत सर्वांचे आभार मानले. १६ डिसेंबरपासून विधिमंडळाच्या अधिवेशनाला सुरूवात होणार आहे. यानंतर मंत्रीमंडळाचा विस्तार होणार असून त्यानंतर मुख्यमंत्री देवेंद्र फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे यांच्यासमवेत खातेनिहाय बैठक घेऊन भोर एमआयडीसीचा प्रश्न मार्गी लावण्यासाठी प्रयत्न करणार असल्याची ग्वाही यावेळी बोलताना आमदार मांडेकर यांनी दिली.
५० वर्षांपेक्षा पुढच्या ५ वर्षांत विकासकामे वेगाने होतीलः आमदार शंकर मांडेकर
तसेच शिंदेवाडी ते भोर महाड हदयीपर्यंत रस्ताचे चारपदरीकरण करणे अपेक्षित आहे. ५० वर्षांत झाली नाहीत, ती कामे पुढच्या पाच वर्षांत होतील, अशा विश्वास त्यांनी यावेळी बोलताना व्यक्त केला. औद्योगिक वसाहतीचा प्रश्न मार्गी लावायचा आहे. याशिवाय थांबलेले उदयोग पुन्हा सुरु करण्यासाठी प्रयत्न करुन शिदेवाडी ते भोर रस्ता चौपदरीकरण करुन गडकिल्यांचे पर्यटन दृष्टीने विकास रायरेश्वर मंदिराचा प्रश्न मार्गी लावू तसेच ध्वज उभा करण्याचे काम सुरु आहे, तोरणा व राजगडवर ध्वज उभारणार असल्याचे त्यांनी सांगितले. पिण्याच्या पाण्याचा प्रश्न मार्गी लावण्यासाठी बंधारे उभारणार असून जेष्ठांच्या आरोग्याचा प्रश्न मार्गी लावण्यासाठी प्रयत्नशील असणार आहे. कोणत्याही गोष्टीत राजकारण न करता विकासासाठी कटिबद्ध असल्याचे मांडेकर यावेळी म्हणाले.
२५ वर्षांनंतर तालुक्याला हक्काचा आमदार मिळाला
मुळशी तालुक्यातून मिळालेल्या मताधिक्यामुळे शंकर मांडेकर यांचा विजय झाला आहे. मात्र, भोर आणि वेल्हा (राजगड) जिल्हापरिषद गटातून कमी झालेले मतदान सुधारावे लागेल, असे चंद्रकांत बाठे म्हणाले. तालुक्यात परिवर्तनाची लाट होती. २५ वर्षानंतर आपल्या हक्काचा आमदार मिळाला आहे. भोर तालुक्यात पर्यटन विकास औद्योगिक वसाहत हि कामे करावी लागणार आहेत. प्रस्थापितांच्या विरोधात जि. प,पं. स आणि न. पा. निवडणुकीत काम करावे लागेल, असे विक्रम खुटवड यांनी सांगितले. औद्योगिक वसाहतीच्या प्रश्नाला थोपटे यांनी ‘खो’ घातला. केवळ श्रेयवादासाठी हि वसाहत होऊन दिली नाही, असा आरोप यावेळी बोलताना रणजित शिवतरे यांनी मा. आमदार संग्राम थोपटे यांच्यावर केला.
यावेळी आमदार शंकर मांडेकर, भालचंद्र जगताप, रणजीत शिवतरे, विक्रम खुटवड, चंद्रकांत बाठे, शरद ढमाले, संतोष घोरपडे, बाळासाहेब गरुड, जीवन कोंडे, केदार देशपांडे, किरण राऊत, सुनिल भेलके, बाळासो गरुड, यशवंत डाळ, स्वाती गांधी, दिपाली शेटे, गणेश निगडे, गणेश म्हसुरकर, दशरथ जाधव, बाळासो खुटवड, एकनाथ रोमण, सोमनाथ ढवळे, संदीप शेटे, कुनाल धुमाळ, प्रविण जगदाळे, अविनाश गायकवाड, राजेंद्र गुरव, नितिन थोपटे, सचिन कन्हेरकर, विलास वरे, अतुल काकडे, सतिष चव्हाण, पल्लवी फडणीस आदी महायुतीमधील कार्यकर्ते उपस्थित होते.
