मुळशी: माझ्यासारख्या सर्वसामान्य कार्यकर्त्याला अजित दादांनी संधी दिली, त्यासाठी मी त्यांचा आभारी आहे. विद्यमान आमदारांनी जनतेची दिशाभूल केली असल्याचा आरोप महायुतीचे अधिकृत उमेदवार शंकर मांडेकर यांनी केला. तसेच आमदारांना खाजगी कामांसाठी जागा मिळतात. पण जनतेच्या कामासाठी त्यांना जागा मिळत नसल्याचे देखील यावेळी मांडेकर म्हणाले. मांडेकर यांच्या प्रचारार्थ राष्ट्रवादी काँग्रेस पक्षाचे राष्ट्रीय अध्यक्ष अजित पवार यांची येथील घोटावळे गावात सभा पार पडली. विद्यमान आमदार फक्त स्वतःला मावळा म्हणवतात, पण महाराजांच्या गड किल्ल्यांकडे त्यांचे दुर्लक्ष होत असल्याची टीकास्त्र भोर मांडेकर यांनी थोपटे यांच्यावर केले. या सभेला महायुतीतील घटक पक्षाचे पदाधिकारी व कार्यकर्ते मोठ्या संख्येने उपस्थित होते.
यावेळी उपमुख्यमंत्री अजित पवार, भोर विधानसभा मतदारसंघाचे महायुतीचे (राष्ट्रवादी काँग्रेस) उमेदवार शंकर मांडेकर, मा. आमदार शरद ढमाले, मा. उपसभापती रणजीत दादा शिवतरे, कात्रज दूध संघाचे चेअरमन भगवान बापू पासलकर, मा. जिल्हापरिषद सदस्य विक्रम दादा खुटवड, पुणे जिल्हा मध्यवर्ती बँकेचे संचालक भालचंद्र जगताप, पुणे जिल्हा मध्यवर्ती बँकेचे संचालक रेवनाथ दारवटकर, माझी जिल्हा परिषद सदस्य चंद्रकांत बाठे, राष्ट्रवादी काँग्रेस भोर तालुका अध्यक्ष संतोष घोरपडे, भारतीय जनता पार्टी भोर तालुका अध्यक्ष जीवन कोंडे,भोर शहर शिवसेना तालुकाप्रमुख दशरथ जाधव, भोर तालुका आरपीआय अध्यक्ष सुनील गायकवाड, राष्ट्रवादी काँग्रेस पक्ष वेल्हा तालुका अध्यक्ष किरण राऊत, राष्ट्रवादी काँग्रेस पक्ष मुळशी तालुकाध्यक्ष अंकुश मोरे, भारतीय जनता पक्ष मुळशी तालुकाध्यक्ष राजभाऊ वाघ, मुळशी आरपीआय अध्यक्ष गोविंद निकाळजे, आरपीआय जिल्हाध्यक्ष श्रीकांत कदम, माजी गटनेते जिल्हा परिषद शांताराम इंगवले, माजी सभापती मुळशी बाबा कंधारे, पुणे जिल्हा मध्यवर्ती बँकेचे उपाध्यक्ष सुनील चांदेरे, भारतीय जनता पक्ष युवक अध्यक्ष सागर साखरे, माजी सभापती कोमल साखरे आदी मान्यवर उपस्थित होते.
मंदिराचा सातबारा स्वःताच्या नावे केलाः मांडेकरांचा गंभीर घणाघाती आरोप
विद्यमान आमदार भोर विधानसभेतील प्रत्येक तालुक्यात वेगळी भूमिका घेत आहेत, मांडेकर यावेळी म्हणाले. तसेच रायरेश्वेराच्या जुन्या मंदिराचे गंजलेले पत्रे त्यांना बदलता आले नाहीत, मंदिराची दुरवस्था झालेली आहे. त्या जागेचा सातबारा त्यांनी स्वतःच्या नावावर करून घेतला असल्याचा गंभीर घणाघाती आरोप मांडेकरांनी केली. राजगडावर जायला सुस्थितीमधील रस्ता नसल्याने पर्यटकांना नाहक त्रासाला सामोरे जावे लागत आहे. विद्यमान आमदार केवळ आश्वसने देऊन जनतेची दिशाभूल करतात. आता भाषणामध्ये एमआयडीसी करु असे म्हणतात, मग एवढे वर्ष सत्ता असताना कोणी हात बांधले होते का, असा सवाल मांडेकर यांनी उपस्थित केला. संधी मिळाल्यास या मतदारसंघाला वेगळ्या उंचीवर नेणार असल्याचे आश्वासन मांडेकर यांनी यावेळी उपस्थिती असणाऱ्यांना दिले.
