पुणे: भोर, राजगड (वेल्हा), मुळशीचे आमदार संग्राम थोपटे(MLA sangram thopate) यांची भोर विधानसभा मतदार संघातील सार्वजनिक बांधकाम विभागाच्या विविध विकास कामांच्या संदर्भात कार्यकारी अभियंता अनुराधा भंडारे यांच्यासमवेत बैठक आयोजित करण्यात आली होती. यावेळी आमदार संग्रामदादा थोपटे यांनी बैठकीला उपस्थित राहून मतदारसंघातील सार्वजनिक बांधकाम विभागातील प्रलंबित विकास कामांंबाबत असणाऱ्या अडचणीवर सविस्तरपणे चर्चा करून कामे लवकरात लवकर मार्गी लावण्याबाबत अधिकाऱ्यांना सूचना केल्या.
या बैठकीला भोर राजगड तालुका सार्वजनिक बांधकाम विभागाचे उपअभियंता संजय वागज, मुळशी तालुका सार्वजनिक बांधकाम विभाग उपअभियंता भिंगारदिवे यांच्यासह तिन्ही तालुक्यांचे शाखा अभियंता उपस्थित होते. तालुक्यातील आतापर्यंत प्रलंबित असणाऱ्या कामांबाबत सकारात्क चर्चा झाले असून, प्रलंबित कामे मार्गी लावली जातील असे अधिकारी वर्गाकडून सांगण्यात आले आहे.
