भोर : भोर तालुक्यातील एका 17 वर्षीय मुलीवर प्रेमाच्या जाळ्यात ओढून अत्याचार करून तिला गरोदर केल्याची धक्कादायक घटना उघडकीस आली आहे. या प्रकरणी पीडितेने भोर पोलीस ठाण्यात फिर्याद दाखल केली असून, तेजस तानाजी चाळेकर वय 25 वर्षी या युवकावर गुन्हा दाखल करण्यात आला आहे .भोर पोलिसांनी गुन्हा दाखल करून गुन्हा राजगड पोलिस स्टेशन कडे वर्ग करण्यात आला आहे.
पोलिसांकडून मिळालेल्या माहितीनुसार, पीडित मुलगी आणि आरोपी या दोघांमध्ये ओळख होती. आरोपीने पीडित मुलीवर प्रेमात फसवून तिच्यासोबत शारीरिक संबंध ठेवले.पीडित मुलीने दिलेल्या फिर्यादीत म्हटले आहे की, आरोपी युवक तिच्यावर काही काळापासून प्रेमळ दृष्टीने वागत होता. मात्र, या वर्षाच्या जानेवारी महिन्यात त्याने तिच्यासोबत जबरदस्तीचे शारीरिक संबंध ठेवले. यावेळी त्याने धमकी दिली की, जर तिने याबाबत कुणाला सांगितले तर तो तिची बदनामी करेल. या घटनेमुळे पीडित मुलगी गरोदर झाली.
पीडित मुलीने आपल्या आईला या घटनेची माहिती दिल्यानंतर पोलिसांकडे धाव घेतली. पोलिसांनी तात्काळ गुन्हा दाखल करून आरोपीचा शोध सुरू केला आहे.. या प्रकरणी भारतीय दंड संहिता आणि पोक्सो कायद्यांतर्गत गुन्हा दाखल करण्यात आला आहे.
