लोणी काळभोर: येथे एक धक्कादायक घटना घडली आहे. आठवीच्या वर्गात शिक्षण घेणाऱ्या मुलीला तुला रिक्षाने शाळेत सोडते, असे म्हणत बळजबरीने रिक्षात बसवून रिक्षा चालकाने पीडितेला घरी नेवून तिच्यावर लैंगिक अत्याचार केल्याचा धक्कादायक प्रकार समोर आला आहे. मंगळवारी सकाळी सहा ते दहा या दरम्यान हा प्रकार घडला आहे. नराधन रिक्षा चालकाविरुद्ध लोणी काळभोर पोलिसांनी पोक्सोअंतर्गत गुन्हा दाखल केला आहे. विजय वसंत जाधव (वय २४ रा. पाषाणकरबाग लोणी काळभोर, ता. हवेली, जि.पुणे) असे आरोपीचे नाव
पोलिसांनी दिलेल्या माहितीनुसार, पीडित मुलगी ही येथील नामांकित शाळेमध्ये इयत्ता आठवीच्या वर्गात शिक्षण घेत आहे. दररोज शाळेत जाण्यासाठी बस अथवा रिक्षाने ती जात असे. नेहमीप्रमाणे पीडित मुलगी पुणे-सोलापूर रस्त्यावर शाळेत जाण्यासाठी थांबली होती. त्यावेळी तिची तोंडओळख असलेला रिक्षाचालक तिथे आला. आणि तुला रिक्षातून शाळेत सोडतो, असे म्हणू लागला. असे म्हटल्यानंतर मुलगी रिक्षात बसली. त्यावेळी रिक्षाचालकाने तुझी आई माझ्या घरी येणार आहे, असे खोटे बोलून मुलीला घरी नेले. घरी गेल्यानंतर आरोपी तिच्याशी जवळीक साधत पीडितेच्या मनास लज्जा निर्माण होईल, असे वर्तन करू लागला. या वेळी पीडितेने नराधमाच्या तावडीतून सूटण्यासाठी आरडाओरडू केली. त्यावेळी आरोपीने तिथून पळ काढला. मात्र, या घटनेमुळे पुन्हा एकदा मुलींच्या सुरक्षेततेचा प्रश्न ऐऱणीवर आला आहे.
