मराठी पत्रकार परिषद मुंबई वर्धापन दिनानिमित्त उपक्रम
भोर – मराठी पत्रकार परिषद मुंबई वर्धापन दिनानिमित्त राज्यात सर्वच ठिकाणी मराठी पत्रकार परिषदेमार्फत विविध उपक्रम घेण्यात आले.भोरला असाच आरोग्याविषयी एक उपक्रम घेण्यात आला. आरोग्यदायी तपासणी शिबिर घेत वर्धापन दिन पत्रकार संघ भोरच्या वतीने साजरा करण्यात आला. या शिबिरात १० ते १५ पत्रकार व त्यांच्या कुटुंबीयांच्या आरोग्याची तपासणी केली गेली.
पत्रकार यांची रक्तदाब ,रक्त शर्करा, ईसीजी आणि इतर आरोग्याच्या तपासण्या केल्या गेल्या. यावेळी आनंद क्लिनिकचे डॉ.आनंद कंक यांनी पत्रकार यांना तान तणावामुळे होणारे आजार यावर नियमित व्यायाम करून कशी काळजी घ्यावी याचे मार्गदर्शन केले. पत्रकार हा समाजाचा चौथा आधारस्तंभ असून समाजात त्यांचे महत्त्वाचे स्थान आहे त्यांनी पत्रकारीतेबरोबर आपले आरोग्य सांभाळणे गरजेचे आहे असे डॉ.आनंद कंक यांनी सांगितले.
रोटरी क्लब ऑफ भोर-राजगडचे माजी अध्यक्ष डॉ.आनंद कंक यांनी यावेळी पत्रकार बंधूंना नुकतेच प्रकाशित झालेले आपले ” युद्ध नको; बुद्ध हवा” हा काव्यसंग्रह पुस्तक भेट दिले. मराठी पत्रकार परिषदेचे मुख्य विश्वस्त एस .एम. देशमुख, विश्वस्त किरण नाईक, विश्वस्त शरद पाबळे, अध्यक्ष मिलिंद अष्टीवकर, कार्याध्यक्ष शिवराज काटकर, सरचिटणीस सुरेश नाईकवाडे, कोषाध्यक्ष हाजी मन्सूरभाई शेख,राज्य प्रसिध्दीप्रमूख संदीप कुलकर्णी तसेच पुणे जिल्हा अध्यक्ष सुनील लोणकर यांच्या मार्गदर्शनाखाली आरोग्य शिबिर राबविण्यात आले. यावेळी पुणे जिल्हा पत्रकार संघाचे उपाध्यक्ष संतोष म्हस्के, सदस्य दत्तात्रय बांदल ,पत्रकार संघ भोरचे अध्यक्ष पुरुषोत्तम मुसळे, उपाध्यक्ष चंद्रकांत जाधव, सोशल मिडियासेलचे अध्यक्ष कुंदन झांजले, उपाध्यक्ष दिपक पारठे ,रुपेश जाधव , ज्ञानेश्वर जेधे, महेश उभे, विक्रम शिंदे आदींसह पत्रकार व त्यांच्या कुटुंबातील सदस्य उपस्थित होते.
फोटो – पाठवीत आहे.
