रस्त्याचे काम सुरू असल्याने अरूंद रस्त्यावर वाहन चालकांची कसरत , पोलीस प्रशासनाकडून वाहतूक कोंडी सोडविण्यासाठी प्रयत्न
भोर कडून महाडकडे जाणा-या महामार्गावर मांगीर ओढा परिसरात हॉटेल जय भवानी जवळ अवजड वाहने (डंपर)खचल्याने या मार्गावर जाणा-या वाहनांची रस्त्यावर मोठी वाहतूकीची कोंडी झाली आहे. या रस्त्याचे नुतनीकरणाचे काम सुरू असल्याने ठेकेदाराच्या नियोजना अभावी ही वाहतूक कोंडी निर्माण झाली आहे असे संतप्त वाहतूक कोंडीत अडकलेल्या प्रवाशांनी सांगितले.
त्यातच दुपारी झालेल्या अवकाळी मुसळधार पाऊस कोसळल्याने या रस्त्यावर राडा रोढा ,दलदल चिखल झाल्याने रस्ता निसरडा बनला आहे. अनेक वाहने या रस्त्यावर घसरून अपघात घडले आहेत. तर अनेकांना घरी जाताना तासनतास रखडावे लागल्याने अनेकांची फसगत झाली. झालेली वाहतूक कोंडी सोडवण्यासाठी भोरचे पोलीस प्रशासन, वाहतूकचे पोलीस कॉन्स्टेबल सुनील चव्हाण तात्काळ घटनास्थळी हजर होऊन वाहतूक कोंडी सोडवण्यासाठी प्रयत्न करत आहेत . तसेच वेनवडी गावातील सामाजिक कार्यकर्तेही वाहतूक कोंडी सोडवित आहेत. नवरात्रोत्सव सुरू असल्याने सर्वत्रच रस्त्याला गर्दी आहे.
सायंकाळच्या वेळेस या वर्दळीच्या रस्त्यावर वाहतूक कोंडी झाल्याने घरी जाणारे चाकरमानी,शाळकरी मुले, कामगार, प्रवाशी यांना नाहक उशीर झाल्याने त्यांनी रस्त्याच्या कामावर, ठेकेदार यांच्यावर संतप्त प्रतिक्रिया व्यक्त केल्या.