बारामतीमध्ये चाललयं काय? महिलेच्या गळ्यातील मंगळसूत्र हिसकावण्याची दुसरी घटना; महिलांमध्ये भीतीचे वातावरण

बारामती: प्रतिनिधी सनी पटेल

बारामती नगरपरिषदेच्या शौचालयाबाहेर एका महिलेच्या गळ्यातील मंगळसूत्र हिसकावण्याचा प्रयत्न केल्याची घटना नुकतच घडली होती. त्या ठिकाणी असलेल्या नागरिकांच्या सतर्कतेमुळे चोरट्याला पोलिसांच्या ताब्यात देण्यात आले. आता पुन्हा एकदा अशीच एक घटना घडली आहे. बारामती बसस्थानकच्या येथे असलेल्या पार्किंगजवळ एका ४२ वर्षीय महिलेच्या गळ्यातील मंगळसूत्र चोरट्याने चोरी करण्याचा प्रयन्न केला. या प्रकरणी महिलेने बारामती पोलीस स्टेशनमध्ये फिर्याद दिली आहे.

या घटनेतील आरोपी कुमार सुभाष खंडागळे (वय 34 वर्षे वसंतनगर, बारामती ता. बारामती जि.पुणे) असे आहे. सदर घटना ही दि. २७ अॅागस्ट रोजी सकाळी १० वाजण्याच्या सुमारास घडली. पोलिसांनी आरोपीला ताब्यात घेतले आहे. मात्र, अशा घटनांमुळे येथील महिलांमध्ये भीतीचे वातावण निर्माण झाले आहे. या प्रकरणाचा पुढील तपास पोलीस हवालदार गोरे हे करीत आहेत.