खंडाळा: खंडाळा तालुक्यातील कान्हवडी येथील एका प्लायवूड कंपनीला भीषण आग लागली. या आगीत कंपनीचे मोठे नुकसान झाले आहे. आगीचे कारण अद्याप अस्पष्ट आहे.
अग्निशमन दलाच्या दोन गाड्या घटनास्थळी पाठवण्यात आल्या आणि जवळपास दोन तासांच्या प्रयत्नानंतर आग विझवण्याचे काम सुरू आहे. या आगीत शेजारील शेतकऱ्यांच्या ४ ते ५ म्हशी भाजल्या असल्याचा प्राथमिक अंदाज वर्तवण्यात येत आहे.
आगीमुळे प्लायवूड कंपनीचे लाखो रुपयांचे नुकसान झाल्याचा अंदाज आहे. कंपनीतील अनेक यंत्रणा आणि कच्चा माल आगीत जळून खाक झाला आहे. शेतकऱ्यांनी आगीमुळे मोठे नुकसान झाल्याबद्दल प्रशासनाकडे मदतीची मागणी केली आहे.प्लायवूड कंपनीच्या मालकाने आगीचे कारण तपासण्याची आणि दोषींवर कारवाई करण्याची मागणी केली आहे.
या घटनेची माहिती मिळताच पोलीस घटनास्थळी दाखल झाले. आगीचे कारण तपासण्यासाठी पोलीसांनी तपास सुरू केला आहे.
