पिंपरी-चिंचवडः शाळेत मुलाला सोडण्याच्या घाईत येथील एक महिला आपल्या घरातील इस्त्री बंद करण्याची विसरली. ही एक चूक संबधित महिलेला खूप महागात पडली आहे. येथील रावेत परिसरात सकाळी मुलाला शाळेत सोडण्यासाठी उशीर होत होता. कपड्यांना इस्त्री करायची होती. पण अचानक वीज गेली आणि घाईगडबडीत महिलेने इस्त्री तशीच चालू ठेवून मुलाला शाळेत सोडविण्यासाठी गेली. याचा परिणाम असा झाला आहे की, या महिलेल्या घरातील वस्तू केवळ इस्त्री चालू ठेवल्यामुले वस्तू जळून खाक झाल्या आहेत. 25 सप्टेंबर रोजी सकाळी 10 वाजण्याच्या सुमारास पिंपरी चिंचवड भोंडवे बाग रावेत येथे सदर घटना घडली.
मिळालेल्या माहितीनुसार, महिला घरात कपडे इस्त्री करत असताना अचानक वीज गेली. मुलाला शाळेत नेण्याची वेळ असल्याने त्या घाईघाईत संबधित महिला घराबाहेर पडल्या. इस्त्री बंद करायची मात्र विसरल्या. मुलाला शाळेत सोडल्यानंतर परत त्या घरी आल्या. तेव्हा त्यांचे घर आगीच्या भक्ष्यस्थानी पडलेले त्यांना दिसले. घटनेची माहिती अग्निशमन दलाला फोनवरुन देण्यात आली. अग्निशमन अधिकाऱ्यांनी तत्काळ घटनास्थळी धाव घेत घराला लागलेली आग विझवली.
महिलेच्या बेडरूममधील सर्व सामान जळून खाक झाले होते. वीज खंडित होत असताना लोखंड शिल्लक राहिल्याचे तपासात उघड झाले आहे. त्यामुळे वीज पूर्ववत झाल्यानंतर आग लागली असावी, अशी प्राथमिक माहिती मिळत आहे. महिलेने तिचा मोबाईल चार्जिंगला बेडरूममध्ये सोडला होता. त्याचाही स्फोट झाला. त्यामुळे आग पसरली या आगीत पलंग, गाद्या, उशा, ब्लँकेट, इस्त्री, मोबाईल फोन, विजेच्या तारा, बोर्ड, पंखे असे अनेक साहित्य जळून खाक झाले आहेत.
