आमदार संग्राम थोपटे यांच्या कार्यप्रणालीवर प्रभावित होऊन निर्णय
भोर – एका पाठोपाठ एक एक दिवस जसजसा पुढे जात आहे तसतसा हळुहळू भोर विधानसभेचा रणसंग्राम रंगतदार होत चाललेला आहे . काँग्रेस पक्षात इतर पक्षातून इनकमिंग सुरू असून आमदार संग्राम थोपटे यांचा विकास कामांचा धडाका पाहुन व संग्राम थोपटे यांच्या कार्यप्रणालीवर प्रभावित अजित पवार राष्ट्रवादी काँग्रेस पक्षाचे भोर मधील उपाध्यक्ष विशाल तुंगतकर आणि मिथुन तुंगतकर यांनी शुक्रवार (दि.८)काँग्रेस पक्षात जाहीर प्रवेश करत राष्ट्रवादी काँग्रेस पक्षाला भोर शहरात खिंडार पाडले आहे.
यावेळी संग्राम थोपटे यांनी दोन्ही तुंगतकर बंधुंचे मनापासून स्वागत करुन त्यांचा सत्कार केला.पक्ष संघटना मजबूत करण्यासाठी आणि वाढविण्यासाठी प्रयत्न करणार असुन येणाऱ्या २० तारखेला महाविआघाडीचे अधिकृत उमेदवार आमदार संग्राम थोपटे यांना जास्तीत जास्त मतदान करुन केले विजयी केले जाईल असे विशाल तुंगतकर यांनी सांगितले. यावेळी तालुकाध्यक्ष शैलेश सोनवणे , लहूनाना शेलार के.डी. सोनवणे ,माजी नगराध्यक्ष चंद्रकांत सागळे, माजी नगरसेवक किसनवीर, अमित सागळे अनुप धोत्रे, धीरज कांबळे आदि कार्यकर्ते उपस्थित होते. युवक वर्गांचे काँग्रेस पक्षात इनकमिंग पाहता हळूहळू भोर शहरातील राष्ट्रवादी पक्षाची अवस्था बिकट होत चालल्याचे चित्र पाहायला मिळत आहे
