बारामतीः प्रतिनिधी सनी पटेल
उपमुख्यमंत्री अजित पवार यांच्या बारामती दौऱ्यावर निमित्ताने राष्ट्रवादी भवन कसबा या ठिकाणी पक्षप्रवेश कार्यक्रम आयोजित करण्यात आला होता. या कार्यक्रमात सचिन थोरात, योगेश मोटे, संदिप गाढवे, संग्राम साबळे, नितीन चव्हाण तसेच विक्रम (पंत) थोरात यांच्या सह अनेक युवकांचा पक्षप्रवेश उपमुख्यमंत्री अजित पवार यांच्या प्रमुख उपस्थितीत करण्यात आला. शिव, शाहू, फुले, आंबेडकर चळवळीतील हे कार्यकर्ते आहेत. त्यांनी समाजातील गरीब, वंचित दुर्बल घटकातील नागरिकांचे अनेक प्रश्न मार्गी लावले आहे.
पक्षप्रवेशा दरम्यान शेकडो कार्यकर्त्यांच्या समवेत हा पक्ष प्रवेश करण्यात आला. यावेळी उपमुख्यमंत्री अजित पवार यांनी उपस्थितांशी मनमोकळा पद्धतीने संवाद साधून मार्गदर्शन केले. त्याचप्रमाणे पक्षात प्रवेश केलेल्या पदाधिकाऱ्यांचे आणि कार्यकर्त्यांचे मनापासून स्वागत देखील केले. नवीन शिलेदार पक्ष बांधणीत मोलाची भूमिका बजावतील असा विश्वास त्यांनी यावेळी बोलताना व्यक्त केला. तसेच आगामी निवडणूक राज्याच्या आणि बारामती मतदारसंघाच्या भवितव्यासाठी महत्त्वाची असल्याचे त्यांनी अधोरेखित केले. पक्षप्रवेशाअगोदर शहरातून मोठ्या प्रमाणात भव्य युवक बाईक रॅलीचे आयोजन करण्यात आले होते. या बाईक रॅलीमध्ये हजारो कार्यकर्ते सहभागी झाले होते.
