जेजुरीः येथील कचरा डेपोजवळ एका अनोळखी पुरूषाचा मृतदेह आढळून आला असून, मयताचे वय अंदाजे ५५ वर्ष आहे. मयताचे श्ववविच्छेदन जेजुरी ग्रामीण रुग्णालय येथे करण्यात आले असून, मयत व्यक्तीचा मृतदेह जेजुरी ग्रामीण रुग्णालय येथील शीतगृहात ठेवण्यात आला आहे.
सदर मयताचे अंगात काळे जर्किंन, काळी पॅन्ट, पायात स्पोर्टसचे काळे बुट, एका हातात धागा आहे. या प्रकरणी अजित रंगनाथ जाधव रा. जेजुरी, ता. पुरंदर, जि. पुणे यांनी माहिती दिली असून, त्यावरून जेजुरी पोलीस स्टेशनमध्ये अकस्मात मयत म्हणून नोंद करण्यात आली आहे.
पुढील तपास सहाय्यक पोलीस निरीक्षक दीपक वाकचौरे यांच्या मार्गदर्शनाखाली पोलीस हवालदार नंदकुमार पिंगळे हे करीत आहेत. तरी याबाबत माहिती मिळाल्यास जेजुरी पोलीस स्टेशन येथे संपर्क साधण्याचे आवाहन पोलिसांनी केले आहे.
