शिरवळः शिरवळ गावच्या हद्दीमध्ये शिवम द्वारका सोसायटी फ्लॅट नंबर बी 110 येथे दि. 18/08/2024 दुपारी 3 ते दि. 20/08/2024 सकाळी 8.00 वाजण्याच्या सुमारास फिर्यादी गोविंद यल्लाप्पा कुरापती वय 31 वर्ष मूळ राहणार जिल्हा सोलापूर (सध्या राहणार) द्वारका सोसायटी शिरवळ त्यांच्या बंद असलेल्या घराचे कुलूप तोडून घरातील मौल्यवान वस्तूची चोरी केल्याची घटना घडली आहे. चोरट्याने तब्बल सहाषठ्ठ हजार रुपये किंमतीचा मुद्देमाल लंपास केला आहे. या प्रकरणी शिरवळ पोलिसांनी अज्ञात चोरट्याविरोधात गुन्हा दाखल केला असून, त्याचा शोध पोलीस घेत आहेत.
चोरीस गेलेल्या मुद्देमालात पन्नास हजार रुपये किमतीचा 19 ग्रॅम वजनाचा सोन्याचा चप्पल हार, दहा हजार रुपये किंमतीची सोन्याचे 5 ग्रॅम वजनाची अंगठी आणि सहा हजार रुपये रोख रक्कम असा एकूण मिळून सहाषष्ठ हजारांचा मुद्देमाल अज्ञात चोरट्याने लंपास केला आहे. या चोरी प्रकरणाचा तपास सहाय्यक फौजदार पावरा हे करीत आहेत. चोरीच्या घटनांमध्ये वाढ होत असून, रात्रीच्या गस्तीची गरज असल्याचे मागणी नागरिकांकडून जोर धरु लागली आहे.
