भोर – उन्नती महिला प्रतिष्ठान ,तनिष्का व्यासपीठ व मराठा महासंघ भोर यांच्या संयुक्त विद्यमाने जागतिक महिलादिनाचे औचित्य साधून आदर्श महिलांचा सन्मान शनिवार (दि.८)करण्यात आला. दरवर्षी उन्नती महिला प्रतिष्ठानच्या अध्यक्षा सीमा तनपुरे विविध उपक्रम राबवत असतात यावर्षीही महिला दिनानिमित्त पाककला ,उखाणा, रांगोळी स्पर्धा आयोजित केल्या होत्या त्यांचे बक्षीस वितरण यावेळी करण्यात आले. तसेच समाजात उत्कृष्ट कामगिरी करणाऱ्या १५ कर्तुत्ववान महिला यांना पुरस्कार देवून सन्मानित करण्यात. सामाजिक पुरस्कार ज्येष्ठ पत्रकार भुजंगराव दाभाडे, पत्रकार पुरुषोत्तम मुसळे यांना देण्यात आला.तसेच आपल्या जीवाची पर्वा न करता आपल्या पतीला यकृत (लिव्हर ) दान करणा-या भोर शहरातील सुवर्णा मोहन शिंदे या महिलेचा विशेष सन्मान करण्यात आला .तसेच कुस्ती क्षेत्रातील महिला पै.दर्शना म्हस्के (नेरे )हिचा देखील विशेष सन्मान करण्यात आला. यावेळी उपविभागिय वनाधिकारी शितल राठोड , उन्नती महिला प्रतिष्ठान अध्यक्षा सीमा तनपुरे, पोलीस उपनिरीक्षक शिला खोत,लक्ष्मण पारठे,विठ्ठल करंजे, विनायक तनपूरे, सचिन देशमुख, द्रोपदी भेलके, भाग्यश्री वरटे, निर्मला किंद्रे, सविता थोपटे, मेघा आंबवले ,मीना चव्हाण, वैशाली बांदल ,विद्या कांबळे, संतोष कदम, सुर्यकांत किंद्रे, विजय जाधव, संतोष म्हस्के, दिपक येडवे, विलास मादगुडे,अनिस आतार आदींसह महिला मोठ्या संख्येने उपस्थित होत्या. या कार्यक्रमाचे सूत्रसंचालन विठ्ठल दानवले यांनी केले.
