भोर : भोर तालुक्यातील सारोळा गावातील जामा मस्जिदमध्ये इरशाद इमाम शेख (वय ४०, रा. पांडे, ता. भोर) या व्यक्तीने गळफास घेऊन आत्महत्या केल्याची धक्कादायक घटना बुधवारी (दि. ९ ऑक्टोबर) सकाळी उघडकीस आली. या घटनेने परिसरात एकच खळबळ उडाली आहे. या प्रकरणी मृत इरशादचा भाऊ असिब इमाम शेख (वय ३८, रा. केशवनगर, वडगाव मावळ) यांनी राजगड पोलिस ठाण्यात फिर्याद दाखल केली असून, 1) पुजा माने पुर्ण नाव पत्ता माहीत नाही. 2) पुजा माने हीचा भाउ नाव पत्ता माहीत नाही 3) पुजा माने हीचा मामा सुशांत विजय करंजकर पत्ता माहीत नाही 4) ओंकार भोसले पुर्ण नाव माहीत नाही व इतर अनोळखी 30 ते 40 यांच्यावर आत्महत्येस प्रवृत्त केल्याचा गुन्हा दाखल करण्यात आला आहे.
काय आहे घटना ?
फिर्यादी असिब शेख यांनी दिलेल्या माहितीनुसार, त्यांचा भाऊ इरशाद शेख हा गेल्या वर्षभरापासून भोर तालुक्यातील शिंदेवाडी येथील “इन यंत्रा कंपनी”मध्ये एस.एम.टी. लाईन इंचार्ज म्हणून काम करत होता. त्याच कंपनीत पूजा माने ही महिला ऑपरेटर म्हणून कार्यरत होती. कामाच्या ठिकाणी दोघांमध्ये मैत्रीचे संबंध निर्माण झाले होते. दोघे एकमेकांच्या अडचणींबाबत बोलत असत, परंतु या नात्याचा गैरसमज पूजाच्या कुटुंबीयांना झाला.
मारहाणीची धक्कादायक घटना
फिर्यादीनुसार, ४ ऑक्टोबरच्या रात्री पूजा मानेचा भाऊ, तिचा मामा आणि सुमारे ३० ते ४० अनोळखी इसमांनी इरशादच्या राहत्या घरी जाऊन लाठी-काठ्यांनी मारहाण केली, शिवीगाळ व धमक्या दिल्या. दुसऱ्या दिवशी, म्हणजेच ५ ऑक्टोबरला दुपारी पुन्हा पूजा मानेचा भाऊ प्रशांत माने, मामा सुशांत विजय करंजकर व इतर १० ते १२ जणांनी इरशादवर हल्ला केला. सलग दोन दिवस झालेल्या या हल्ल्यांमुळे इरशाद प्रचंड मानसिक तणावाखाली गेला होता.
याच तणावामुळे त्याने “इन यंत्रा कंपनी”तील नोकरीचा राजीनामा दिला. ८ ऑक्टोबर रोजी तो आपल्या भावाकडे चाकण येथे गेला असता, त्याने संपूर्ण घटना सांगितली आणि तो अत्यंत घाबरलेला दिसत होता. त्याच दिवशी सायंकाळी तो पुन्हा पांडे गावाकडे परतला.
मस्जिदमध्ये गळफास घेतला
९ ऑक्टोबर रोजी सकाळी ६ वाजता रफीक सय्यद या परिचित व्यक्तीचा फोन असिब शेख यांना आला आणि त्यांनी कळवले की, “इरशादने सारोळा येथील जामा मस्जिदमध्ये गळफास घेऊन आत्महत्या केली आहे.” असिब घटनास्थळी पोहोचले असता, इरशादचा मृतदेह मस्जिदमधील पंख्याला दोरीने लटकलेला आढळला.
या सर्व घटनांवरून इरशाद शेखला शारीरिक, मानसिक व आर्थिक त्रास देऊन आत्महत्येस प्रवृत्त केल्याचा आरोप करण्यात आला आहे. राजगड पोलिस ठाण्यात या संदर्भात गुन्हा दाखल करण्यात आला असून, पुढील तपास महिला पोलीस उपनिरीक्षक वृषाली देसाई करत आहेत.
मृत्यूपूर्वीच्या पत्नीला पाठविलेल्या व्हॉट्सअॅप संदेशात उघड झाली धक्कादायक माहिती..
घटनास्थळावर इरशादच्या मोबाईलवरील व्हॉट्सअॅप मेसेज वाचण्यात आला. त्या मेसेजमध्ये त्याने आपल्या आत्महत्येसाठी पूजा माने, तिचा भाऊ प्रशांत माने, मामा सुशांत करंजकर, ओंकार भोसले व इतर काही व्यक्तींना जबाबदार धरले होते. मेसेजमध्ये त्याने लिहिले होते की –
Pooja Mane, the ladies operator working under me, told me everything about her personal life that she has a problem with her monthly period and is undergoing treatment from her family doctor. She also does not have a boyfriend, she needs a boyfriend. And she suffers a lot on the second day of her period, which would reduce after she had a physical relationship with him. Therfore, since she was frank with me, i was cheated on and because of that, I was fired from my inyantra company, I had to lose my job for that. However, she should be held fully responsible for this act. Also for that reason, on 4th October 2025 between 08.30 and 09.00 pm, a group of 30 to 40 boys who came from Shirwal, kicked me with sticks and beat me with sticks, hitting me on the head with the branches of trees near my house. Among them was Omkar Bhosale, who had demanded Rs. 5,000 from me on 6th October 2025 Then the next day, i.e. 5th October, a group of 10 to 15 boys who came from Wai, including the girls brother Prashant Mane and his maternal uncle, beat me with sticks and kicks.
