महिलांना न्याय सुरक्षा मिळावी यासाठी शिरवळ मधील महिला स्व:ता स्वयंप्रेरणेने पडल्या बाहेर
शिरवळ- नुकत्याच घडलेल्या अनेक घटनांमुळे महिलांच्या सुरक्षिततेचा प्रश्न पुन्हा एकदा समोर आला आहे. सामाजिक माध्यमांवर या घटनांविषयी तीव्र प्रतिक्रिया व्यक्त होत आहे. नागरिकांना वाटते की महिला आजच्या समाजात असुरक्षित झाल्या आहेत.याच संदर्भात आज शिरवळ येथील महिलांच्या वतीने शिरवळ पोलिस स्टेशन मध्ये निवेदन देण्यात आले.
बदलापूर येथील घटना व राज्यात घडत असलेल्या महिलांवरील अत्याचारांच्या घटनेवर नागरिक आणि महिलांच्या संघटना शासनाकडे महिलांविरुद्धच्या गुन्ह्यांसाठी कठोर कायदे करण्याची मागणी करत आहेत. विशेषतः महिलांच्या अत्याचारांच्या प्रकरणांमध्ये दोषींना मृत्यूदंडाची शिक्षा देण्याची मागणी जोर धरत आहे.
“आपल्या माता, बहिणी आणि मुलींना सुरक्षित वाटण्याचा हक्क आहे,” असे महिलांनी सांगितले. “शासनाने या गंभीर प्रश्नाकडे गांभीर्यपूर्वक लक्ष देऊन कठोर कायदे करणे आवश्यक आहे.” यासाठी शिरवळ मधील महिलांनी वाढत्या महीला अत्याचाराचा विरोधात एकत्र येऊन पुर्ण गावातून रॕली काढून छत्रपती शिवाजी महाराज चौकात महीला सुरक्षेसाठी आंदोलन केले .व पोलीस स्टेशनमध्ये येऊन महिलांना सुरक्षा मिळावी यासाठी निवेदन दिले. विशेषः या सर्व महीला कुठल्याही संघटना किंवा राजकीय पक्षांशी संबंधित नसून फक्त महिलांना न्याय सुरक्षा मिळावी यासाठी स्व:त स्वयंप्रेरणेने बाहेर पडल्या होत्या .
यावेळी उज्वला तांबे, अंबिका देशमाने, उज्वला साठे, शैला जावळे, दिपाली जगताप, छाया अडसूळ, अलका नेवसे , अंबिका पवार, माधुरी मांढरे, शैला सोनवणे ,सीमा तावडे, विद्या निवळकर , पूजा जगताप, संगीता सिंग ,पार्वती बिराजदार ,अनिता माने ,आशा कुरलेकर , श्रद्धा वाघ, आशा पवार, ज्योती तायडे, सरोजा राऊत आदी उपस्थित होते.
