पुणे : भाजपचे प्रदेश प्रवक्ता संदीप खर्डेकर यांची पुणे शहर महायुतीच्या समन्वयकपदी नियुक्ती करण्यात आली. आगामी लोकसभा, विधानसभा व महापालिका निवडणुकीत घवघवीत यश मिळवू, असा विश्वास खर्डेकर यांनी व्यक्त केला. प्रदेशाध्यक्ष चंद्रशेखर बावनकुळे, पुणे जिल्ह्याचे पालकमंत्री चंद्रकांतदादा पाटील, शहराध्यक्ष धीरज घाटे, यांच्या हस्ते खर्डेकर यांना नियुक्ती पत्र देण्यात आले. (Pune News) या वेळी आमदार माधुरी मिसाळ, आमदार भीमराव तापकीर, आमदार सिद्धार्थ शिरोळे, प्रदेश सरचिटणीस विक्रांत पाटील, प्रदेश सरचिटणीस मुरलीधर मोहोळ, प्रदेश उपाध्यक्ष राजेश पांडे, प्रदेश मुख्यालय प्रभारी रवी अनासपुरे, पुणे शहर प्रभारी अमर साबळे, माजी अध्यक्ष जगदीश मुळीक व पदाधिकारी उपस्थित होते.
महायुतीचे घटक पक्ष असलेल्या राष्ट्रवादी काँग्रेस, शिवसेना, रिपब्लिकन पार्टी ऑफ इंडिया, राष्ट्रीय समाज पक्ष, लोकजनशक्ती पार्टी, शिवसंग्राम संघटना, (Pune News) पतीत पावन संघटना यासह विविध समविचारी पक्ष, संघटना, स्वयंसेवी संस्था, यांच्याशी योग्य समन्वय साधून, सर्वांच्या सहकार्याने आगामी लोकसभा, विधानसभा व महापालिका निवडणुकीत घवघवीत यश मिळवणार, असा विश्वास संदीप खर्डेकर यांनी व्यक्त केला.
