भोर: मराठा आरक्षणासाठी सुरू असलेल्या राज्यव्यापी जनजागृती शांतता रॅलीचा दुसरा टप्पा सोलापूरहून सुरू झाला असून आज रविवारी ही रॅली साताऱ्याहून निघून भोर तालुक्यातील शंभू तीर्थ कापूरहोळ येथे पोहोचली. या रॅलीचे जंगी स्वागत करण्यात आले.
मनोज जरांगे पाटील यांच्या नेतृत्वाखाली सुरू असलेल्या या रॅलीला राज्यातून उत्स्फूर्त प्रतिसाद मिळत आहे. भोर तालुक्यातही युवक, महिला, जेष्ठ नागरिकांसोबतच विविध पक्षाचे व संघटनांचे पदाधिकारी मोठ्या संख्येने उपस्थित होते. “एक मराठा लाख मराठा” या जयघोषाने परिसर दुमदुमून गेला ऐतिहासिक धर्मवीर छत्रपती संभाजी महाराजाच्या दुधाई म्हणून ओळख असलेल्या वीर धाराऊ माता गाडे पाटील यांच्या शिवकालीन समाधी स्थळाचे दर्शन घेन्यात आले. यावेळी भोर तालुक्यातील गावागावातून आलेले नागरिक मोठ्या उत्साहाने सहभागी झाले.
यावेळी कापूरहोळ गावच्या सरपंच मंगल गाडे पाटील, पंकज गाडे, शिवसेना नेते कुलदीप कोंडे, सकल मराठा समाज भोर तालुका अध्यक्ष संजय भेलके, वीर धाराऊ माता गाडे पाटील ट्रस्टचे अध्यक्ष अमित गाडे पाटील युवराज जेधे, योगेश गाडे पाटील सोमनाथ ढवळे, सारंग शेटे, संतोष मोहिते, महेश कोंडे, दीपक शेटे, गणेश धुमाळ, संदीप बांदल, विशाल खुटवड, गोरक्ष अहिरे, बाबुराजे गाडे पाटील, सचिन वीर, म्हस्कोबा गाडे पाटील, अनिल तनपुरे, सरिता गाडे पाटील, सिंधुबाई गाडे पाटील तसेच भोर तालुक्यातील नागरिक आदी मान्यवरांची उपस्थिती होती. राजगड पोलीस ठाण्याच्या वतीने चोख पोलीस बंदोबस्त ठेवण्यात आला होता.
