जेजुरीः येथील कऱ्हा नदीला मोठ्या प्रमाणात पाणी आले असून कऱ्हा नदीत पोहायला गेलेल्या सात वर्षीय चिमुकल्याचा पाण्यात बुडून दुर्देवी मुत्यू झाला आहे. नाझरे सुपे गावातील विराज सतिश कापरे हा चिमुकला सात वर्षांचा चिमुकला त्याच्या मित्रांसोबत नदीत पोहायला गेला होता. मात्र, पाण्याचा वेग जास्त असल्याने त्याने पाठीवर बांधूलेले कँन्ड पाण्याच्या वेगामुळे सुटले आणि विराज पाण्यात बुडाला. या घटनेत त्याचा मृत्यू झाला आहे.
सकाळच्या सुमारास नाझरे सुपे या गावात राहणाऱ्या सतिश कापरे यांचा मुलगा विराज त्याच्या काही मित्रांसोबत कऱ्हा नदी पात्रात पोहायला शिकायला म्हणून गेला होता, अचानक त्याच्या कंबरेला बांधलेले कँन्ड सुटले आणि विराज पाण्यात बुडला. बऱ्याच वेळ झाला तरी विराज घरी न आल्याने घराच्यांकडून शोधाशोध करण्यात आली. मात्र, त्याचा मृतदेह पाण्यात आढळून गावकऱ्यांवर शोककळा पसरली आहे. ऐन गणेशोत्सव काळात विराजच्या अकाली जाण्याने गावकऱ्यांमधून हळहळ व्यक्त करण्यात येत आहे.
