पुणेः शिक्षणाचे माहेरघर असलेल्या पुण्यनगरीत गुन्हेगारीचे प्रमाण दिवसेंदिवस वाढताना दिसत आहे. धक्कादायक बाब म्हणजे गुन्हेगारी करणाऱ्यांमध्ये अल्यवयींनाचे प्रमाण असल्याचे दिसते. फिल्मीस्टाईल पद्धतीने पाठलाग करत कोयत्याने वार करुन दहशत माजविण्याचे प्रमाण वाढल्याचे दिसते. दि. ४ डिसेंबरच्या रात्री अशीच एक घटना हडपसर भागातील सय्यदनगर परिसरात घडल्याने मोठी खळबळ उडाली आहे. तु कुत्ता है असा डीपी ठेवल्याच्या रागातून एका टोळक्याने तरुणावर कोयत्याने वार केले. या घटनेत तरुण गंभीर झाला असून त्याच्यावर खाजगी रुग्णालयात उचपार सुरू आहेत.
या प्रकरणी समीर इक्बाल शेख (वय १९ रा. गल्ली नंबर 28, सय्यदनगर, महमंदवाडी रोड, हडपसर) यांनी काळेपडळ पोलीस ठाण्यात याबाबत तक्रार दिली आहे. त्यानुसार पोलिसांनी आरीफ उर्फ तालीम आसमहंमद (वय २३), साहिल खान (वय २०), टप्पू खान (वय १९), आयान आरीफ शेख (वय १९), गुलाम गौसखान (वय २२, सर्व रा. सय्यदनगर, हडपसर) यांच्यावर गुन्हा दाखल केला आला आहे. घटनेनंतर या टोळक्याने परिसरात दहशत निर्माण करण्यासाठी हातात कोयते घेऊन दुचाकीवरुन पसार झाले.
डीपी ठेवल्याचा राग झाला अनावर
पोलिसांनी दिलेल्या माहितीनुसार, दोन दिवसांपूर्वी रात्री साडेबारा वाजण्याच्या सुमारास समीर व त्याचा मित्र आयान इरफान शेख, अस्लम, फरदिन हे गल्ली नंबर 28 येथे बोलत थांबले होते. यावेळी मुख्य आरोपी तालीमसह त्याचे साथीदार टोळके तेथे आले. तालीमचे आणि तक्रारदार याच्यांत एका मित्राचे पूर्वीपासुनचे वाद होते. तसेच वॉट्सअ‍ॅपवर समीरने तु कुत्ता है असा डीपी ठेवल्याचा राग मनात होता. त्यातून तालीम आणि त्याच्या साथीदारांनी कोयत्याने समीर शेखवर सपासप वार करुन त्याला लाथा बुक्क्यांनी मारहाण देखील केली.
गुन्हा दाखल झालेल्या संशियत आरोपींपैकी गुलाम गौस खान व आयान आरीफ शेख यांना पोलिसांनी अटक केली असून, त्यांना न्यायालयाने सोमवारपर्यंत पोलीस कोठडी सुनावली आहे. या प्रकरणाचा पुढील तपास काळेपडळ पोलीस ठाण्याचे वरिष्ठ पोलीस निरीक्षक मानसिंग पाटील यांच्या मार्गदर्शनाखाली सहाय्यक पोलीस निरीक्षक अमित शेटे तपास करत आहेत.
