शिक्रापूर: प्रतिनिधी शेरखान शेख
टाकळी हाजी ता. शिरुर येथील व्यंकटेशा पेट्रोल पंपावर काम करणाऱ्या कामगाराने आॅनलाईन पद्धतीने(online fround) जमा झालेले पैसे स्वतःच्या बँक खात्यामध्ये जमा करुन फरार झाल्याची घटना घडली आहे. या प्रकरणी शिरुर पोलीस स्टेशन येथे फरार महादेव शिवाजी कोकाटे याच्या विरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, टाकळी हाजी ता. शिरुर येथे प्रभाकर गावडे यांच्या मालकीचा व्यंकटेशा पेट्रोल पंप असून येथे कामगार असलेल्या महादेव कोकाटे याने ग्राहकांकडून ऑनलाइन पद्धतीने आलेले पैसे त्याच्या स्वतःच्या बँक खात्यामध्ये जमा करुन घेतले. त्यांनतर गोळा झालेली रोख रक्कम मालकाकडे जमा केली. मात्र, ऑनलाईन पद्धतीने आलेले तब्बल ८२ हजार रुपये त्याच्या जवळ ठेवून घेत मालकाची फसवणूक करुन फरार झाला आहे.
याबाबत प्रभाकर बापूराव गावडे वय ६५ वर्षे रा. टाकळी हाजी ता. शिरुर जि. पुणे यांनी शिरुर पोलीस स्टेशन येथे फिर्याद दिल्याने पोलिसांनी ,महादेव शिवाजी कोकाटे रा. गायकवाड वस्ती जळगाव ता. शेवगाव जि. अहमदनगर याच्या विरुद्ध गुन्हा दाखल केला असून, पुढील तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार उमेश भगत हे करत आहे.
