वर्षा काळे,पुणे
पुणे: चांदणी चौकातून कोथरूडच्या दिशेने येणाऱ्या एसटी महाकार्गो बसने वेगात रस्ता ओलांडत अनेक वाहनांना धडक दिली. या अपघातात एका महिलेला गंभीर दुखापत झाली तर दोन इतर जखमी झाले.
घटनास्थळावरून मिळालेल्या माहितीनुसार,, एसटी महाकार्गो बस चांदणी चौकातील उतारावरून खाली येत असताना रस्ता ओलांडून अनेक वाहनांना धडकली. यात एका महिलेला गंभीर दुखापत झाली तर बस चालक आणि दुसऱ्या एका प्रवाशालाही दुखापत झाली. जखमींना तातडीने रुग्णालयात दाखल करण्यात आले आहे.
प्राथमिक माहितीनुसार, बसचा ब्रेक फेल झाल्याने हा अपघात घडला असावा असा प्राथमिक अंदाज आहे. अपघातानंतर काही काळ रस्त्यावर वाहतूक कोंडी झाली होती. सध्या पोलीस घटनास्थळी दाखल झाले आहेत आणि अपघाताची चौकशी करत आहेत.
