पुणे: आज मध्यरात्रीच्या सुमारास मंडई मेट्रो स्टेशनला आग लागल्याचा दुर्दैवी घटना घडली आहे. आगीची बातमी समजताच पुणे महापालिकेच्या अग्निशमन दलाच्या पाच फायर गाड्यांच्या माध्यमातून आगीवर तातडीने नियंत्रण मिळवण्यात यश आले आहे. मात्र ही आग नेमकी कशामुळे लागली याचे कारण अद्याप समजू शकलेले नाही.
सदरील घटना मेट्रोचे प्रवासी कामकाज संपल्यानंतर घडली आहे. मेट्रो स्टेशनच्या वरच्या भागात वेल्डिंगचे काम सुरू असताना हा प्रकार घडला. यासंदर्भात मेट्रोचे कार्यकारी संचालक श्रवण हर्डीकर यांनी सांगितले की, या घटनेचा मेट्रो सेवेवर कोणताही परिणाम होणार नाही, असे मेट्रो प्रशासनाकडून कळवण्यात आले आहे.
