भोर तालुक्यातील केमिस्ट असोसिएशनचे अध्यक्ष औषध विक्रेते व्यवसायिक सागर दशरथ सोंडकर यांनी गुरुवार (दि.२२ फेब्रुवारी) आपला वाढदिवसाचा अनावश्यक खर्च टाळून गरजूंना मदत करत साजरा केला त्यांनी सकाळी भोर एज्युकेशन सोसायटीच्या मूकबधिर विद्यालयातील विद्यार्थ्यांना फळांचे वाटप केले .नंतर वनवासी कल्याण आश्रम येथील मुलांना गहू ,ज्वारी व कडधान्य असलेल्या पोत्याचे वाटप केले.त्यानंतर त्यांनी भोर तालुक्यातील हिरडस मावळ खोऱ्यातील दुर्गम भागात असणाऱ्या आपटी गावातील अध्यात्मिक ज्ञानमंत्र शिक्षण संस्थेतील मुलांना क्रीडा साहित्याचे वाटप करण्यात आले.यामध्ये प्रामुख्याने बुद्धिबळाचे साहित्य , कॅरम , फुटबॉल , हॉलीबॉल , बॅडमिंटन , फुल बॅट , दोरीच्या उड्याचा संच, क्रिकेट खेळण्याच्या साहित्याचा संच देण्यात आला .त्यांनी वाढदिवसाचा अनाठाई खर्च टाळत गरजूंना एक हात मदतीचा पुढे करत आपला वाढदिवस आनंदात साजरा केला,व समाजात एक आदर्श निर्माण केला.
यावेळी आपले विचार व्यक्त करताना सोंडकर म्हणाले लहान वयात मुलांनी अभ्यास वृत्ती धारण करून आपल्या स्वराज्य भूमीसाठी व परिसरातील भागातील लोकांसाठी सामाजिक बांधिलकी जपून काम केले पाहिजे आपण या समाजाचे काहीतरी तरी देणं लागतो या भावनेने प्रत्येकानेच समाजाची सेवा करावी असे त्यांनी यावेळी आवाहन केले. या कार्यक्रमाच्या प्रसंगी अध्यात्मिक वारकरी शिक्षण संस्थेचे अध्यक्ष व झीटॉकीज फेम युवा किर्तनकार राहुल पारठे , मूकबधिर विद्यालयाचे मुख्याध्यापक शरद जाधव , वनवासी कल्याण आश्रमाचे व्यवस्थापक दिलीप लांगे , फायटर स्पोर्ट्स अकॅडमीचे अध्यक्ष सुरज आवाळे , सुरेश ऍग्रो इंडस्ट्रीज मालक व प्रसिद्ध उद्योजक विनोद बोडके , आम्ही भोरकर प्रतिष्ठानचे अध्यक्ष समीर घोडेकर , निस्वार्थ सेवा युथ फाऊंडेशनचे अध्यक्ष रोहन भोसले आदींसह विद्यार्थी व ग्रामस्थ उपस्थित होते .कार्यक्रमाचे प्रास्ताविक लक्ष्मण पारठे यांनी केले तर अमित पारठे यांनी आभार मानले .
