तरुण वायरमनचा शॉक लागून मृत्यू झाल्याने आजूबाजूच्या परिसरात हळहळ व्यक्त
भोर तालुक्यातील शहरा नजिकच्या येवली – सांगवी येथील कॉलनीतील विद्युत पुरवठा खंडित झाल्याचे समजल्यावर सांगवी येथील वायरमन सदरचा विद्युत पुरवठा सुरळीत करण्यासाठी गेले असता सदरच्या वायरमनला दुरूस्तीचे काम करत असताना शॉक लागून मृत्यू झाल्याची घटना गुरुवार (दि१०) सायंकाळच्या सुमारास घडली.
स्थानिकांकडून मिळालेल्या माहितीनुसार गुरुवारी सायंकाळी येवली सांगवी (ता.भोर) येथील कॉलनीतील विद्युत पुरवठा खंडित झाला होता सदरचा विद्युत पुरवठा सुरळीत करण्यासाठी सांगवी येथील महावितरण कंपनीत पंधरा वर्षांपासून कार्यरत असलेले वायरमन अमोल सुरेश बांदल (वय ३४) हे गेले असता त्यांना दुरूस्तीचे काम करत असताना विद्युत करंट (शॉक) बसला . स्थानिकांनी बांदल यांना तात्काळ शहरा नजीकच्या खाजगी रुग्णालयात नेले असता उपचारापूर्वीच डॉक्टरांनी बांदल यांना मृत घोषित केले. झालेल्या घटनास्थळी महावितरण कंपनीचे अधिकारी कर्मचारी पोहचले असून पुढील तपास करीत आहेत. सदरचा वायरमन ऐन तारुण्यात अचानक दगावल्याने आजूबाजूच्या परिसरातून मोठी हळहळ व्यक्त असल्याचे या गावातील तरुणांकडून सांगण्यात आले.
