खंडाळा : सेतू कार्यालयातील कर्मचाऱ्यांनी पैशाची मागणी केली नसताना, अंगातील शर्ट काढून गहाण ठेवत असल्याचे सांगून तुम्हाला येथे काम करू देणार नाही, तुमच्याकडे बघून घेतो अशी बदनामी केल्याप्रकरणी खंडाळा पोलिस ठाण्यात तक्रार दाखल करण्यात आली आहे.
पोलिसांनी दिलेल्या माहितीनुसार,दि. १२ रोजी यशवंत दणाणे यांनी एका दाखल्यासाठी अर्ज दिला होता. त्यावेळी या कर्मचाऱ्यांनी नियमाप्रमाणे दाखला मिळण्याचा कालावधी सांगितला. मात्र, दणाणे यांनी त्यांच्याकडे एक हजार रुपयांची मागणी केली नसताना सेतू कार्यालयात येऊन स्वतःचा टी शर्ट काढून टेबलावर टाकून मागणी न केलेल्या हजार रुपयांना टि शर्ट गहाण ठेवत आहे, असे सांगून बदनामी केले असल्याचे तक्रारीत म्हटले आहे
