शिरवळ: येथील तरुणाने मद्यप्राशन करून तक्रार देण्यासाठी येवून गोंधळ घालणाऱ्या तरुणावर गुन्हा दाखल करण्यात आला आहे. शाहरुख इस्माईल पठाण (वय २१, रा.सटवाई कॉलनी, शिरवळ) गुन्हा दाखल झालेल्या तरुणाचे नाव आहे.
पोलिसांनी दिलेल्या माहितीनुसार, शाहरुख पठाण हा युवक शिरवळ येथील छत्रपती शिवाजी महाराज चौक याठिकाणी झालेल्या भांडणाची तक्रार देण्यासाठी कुटुंबियांसमवेत पोलीस ठाण्यात आला होता. शाहरुख पठाण हा दारूच्या नशेत स्टेशन परिसरात मोठ्याने आवाज करून शिवीगाळ करण्यास सुरुवात केली. त्याने काही पोलिसांशीही वाद घातला.
पोलिसांनी आरोपी तरुणाला ताब्यात घेण्याचा प्रयत्न केला, मात्र त्याने विरोध केला. यानंतर त्याला जबरदस्तीने ताब्यात घेण्यात आले. त्याच्यावर मद्यप्राशन व व सार्वजनिक ठिकाणी गोंधळ घातल्या प्रकरणी गुन्हा दाखल करण्यात आला आहे.याबाबत दीपक पलेपोवाड यांनी फिर्याद दिली आहे.
पोलिसांनी नागरिकांना आवाहन केले आहे की, मद्यप्राशन करून सार्वजनिक ठिकाणी गोंधळ घालणे हा गुन्हा आहे. असे कृत्य करणाऱ्यांवर कठोर कारवाई करण्यात येईल.
