जेजुरीः पांडेश्वर उरळी कांचन रस्त्यालगत असलेल्या एका हॅाटेलच्या अडोशाला बेकायदा देशी बनावटीच्या दारुची छुप्या पद्धतीने विक्री केली जात होती. या बाबतची माहिती जेजुरी पोलीस स्टेशनला मिळताच पोलिसांनी या ठिकाणी धाड टाकून बेकायदा विक्री करणाऱ्या समंद नेमुल अन्सांरी (वय 30 रा.पारगाव मेमाणे ता. पुरंदर जि. पुणे मुळ राहणार देवघर राज्य झारखंड) यास पोलिसांनी ताब्यात घेतले आहे. पोलिसांनी कारवाईत देशी बनावटीची दारुचा १ हजार दोनशे ५५ रुपयांचा मुद्देमाल हस्तगत केला आहे.
पोलिसांनी दिलेल्या माहितीनुसार, दि. १३ नोव्हेंबर रोजी रात्रीच्या ९ वाजण्याच्या सुमारास पांडेश्वर उरळी कांचन रस्त्याच्याकडेला असलेल्या एका हॉटेलच्या आडोशाला एक व्यक्ती बेकायदा पद्धतीने देशी बनावटीच्या दारुची विक्री करीत असल्याचे दिसून आले. त्यानुसार पोलिसांनी समंद नेमुल अन्सांरी याला ताब्यात घेतले असून, महाराष्ट्र प्रोव्हीशन कायद्यानुसार गुन्हा दाखल करण्यात आला आहे. या प्रकरणी राहुल अंकुश माने पोलीस शिपाई यांनी जेजुरी पोलीस स्टेशनला फिर्याद दिली आहे. त्यानुसार पोलिसांनी कारवाई केली आहे. पुढील तपास लोंढे करीत आहेत.
