इंदापूरः तालुक्यातील एका युवकाला अश्लील शिवीगाळ करीत असल्याचा पोलीस चौकीत पोलिसांचा व्हिडिओ सोशल मीडियावर प्रचंड व्हायरल झाला आहे. या प्रकरणी पीडित युवकाने पोलिसांनी आपल्याला शिवीगाळ करीत लाथबुक्क्यांनी मारहाण केल्याची माहिती दिली आहे. या घटनेबद्दलची अधिक माहिती समजू शकलेली नाही. या प्रकरणी बारामती लोकसभेच्या खासदार सुप्रिया सुळेंनी प्रतिक्रिया देत राज्याचे गृहमंत्री देवेंद्र फडणवीस यांच्याकडे मुजोर अधिकाऱ्यांवर कारवाईची मागणी केली आहे.
इंदापूर पोलिसांचा एका युवकाला अश्लील शिवीगाळ करतानाचा व्हिडिओ सोशल मीडियावर व्हायरल झाला असून, गृहमंत्री देवेंद्र फडवणीस या पोलीस अधिकाऱ्यांची चौकशी करून कारवाई करणार का? असा सवाल खा. सुप्रिया सुळे यांनी फडणवीस यांना केला आहे. या व्हिडिओमुळे एकच खळबळ उडाली आहे. या घटनेमुळे अनेक प्रश्न निर्माण झाले आहेत. कायदा सुवस्था राखणाऱ्या पोलिसांकडूनच अशा प्रकारचे कृत्य घडत असेल, तर सामान्य जनतेने कोणाकडे आशेने पाहावे असा प्रश्न उपस्थित केला जात आहे.
