शिरवळ: शिरवळ पोलीस ठाणे क्षेत्रात मोठी कारवाई करण्यात आली आहे. गणेशोत्सवाच्या काळात पोलीस अधिकाऱ्यांना मिळालेल्या माहितीनुसार, शिर्के पेपर मिल जवळ एक व्यक्ती ऑनलाइन जुगार खेळवत असल्याची माहिती मिळाली होती. याबाबत तत्काळ कारवाई करीत पोलीसांनी छापा टाकत तन्मय म्हातारबा ढोबळे यास ताब्यात घेतले आहे.
पोलिसांनी दिलेल्या माहितीनुसार, गणेशोत्सवाच्या काळात पोलीस अधिकाऱ्यांना मिळालेल्या माहितीनुसार, शिर्के पेपर मिल जवळ एक व्यक्ती ऑनलाइन जुगार खेळवत असल्याची माहिती मिळाली होती त्यानुसार कारवाई करीत त्याच्याकडून मोबाईल फोन, रोख रक्कम आणि एक मोटारसायकल सह सुमारे 72,050 रुपये किमतीचा मुद्देमाल जप्त केला आहे.
पोलिसांच्या प्राथमिक तपासात असे दिसून आले की, ढोबळे हा ऑनलाइन फन गेम या अॅपच्या माध्यमातून जुगार खेळवत होता. तो लोकांकडून पैसे घेत होता आणि त्या बदल्यात त्यांना ऑनलाइन गेम खेळण्यासाठी युजर आयडी आणि पासवर्ड देत होता.
या प्रकरणी शिरवळ पोलीस ठाणे येथे महाराष्ट्र पोलीस जुगार कलम 12 (अ) अंतर्गत गुन्हा दाखल करण्यात आला आहे.तर पुढील तपास शिरवळ पोलिस करीत आहेत.
सदर कारवाई पोलिस निरीक्षक संदीप जगताप यांच्या मार्गदर्शनाखाली पोलिस उपनिरीक्षक शंकर पांगारे, पोलिस हवालदार जितेंद्र शिंदे,सचिन वीर,पोलिस नाईक अजित बोराटे यांनी केली.
